ޓެކްސީ އެޕް އުފެއްދުމަށް ބޭރުގެ ތިން ކުންފުންޏަކުންވެސް ހުށައެޅި!

މާލޭ ސަަރަހައްދުގައި ދުއްވާ ޓެކްސީތަކުގައި ބޭނުންކުރުމަށް އަމާޒުކޮށްގެން ހަދާ ޓެކްސީ މޯބައިލް އެޕްލިކޭޝަން އުފެއްދުމަށް ރާއްޖޭން ބޭރުގެ ތިން ފަރާތަކުން ޕްރޮޕޯޒަލް ހުށައެޅިކަމަށް ޓްރާންސްޕޯޓް މިނިސްޓްރީން ހާމަކޮށްފިއެވެ.

މިއަދު އޮތް ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން މިނިސްޓަރ އައިޝަތު ނަހުލާ ވިދާޅުވީ އެ އެޕްލިކޭޝަން ހެދުމަށް 21 ފަރާތަކުން މައުލޫމާތު ސާފުކުރިކަމަށާއި ނަމަވެސް ޕްރޮޕޯޒަލް ހުށައެޅީ ފަސް ކުންފުންޏަކުން ކަމަށެވެ.

އެ ފަސް ކުންފުނީގެ ތެރޭގައި ބޭރުގެ ތިން ކުންފުންޏަކާއިި ރާއްޖޭގެ ދެ ކުންފުންޏެވެ. ރާއްޖެެއިން ބޭރުގެ ތިން ކުންފުންޏަކީވެސް ލަންކާގެ ތިން ކުންފުނިކަމަށް މިނިސްޓަރ ފާހަގަކުރެއްވިއެވެ.

ނަހުލާ އިތުރަށް ވިދާޅުވީ ޓެކްސީތަކުގައި މީޓަރު ހަރުކުރުމަށްފަހު ނަގާނެ އަގުތައް މިނިސްޓްރީން ނިންމާފައިވާ ކަމަށެވެ. މި އަގުތައް ޓެކްސީ މީޓަރު އެޕްލިކޭޝަނާއެކު އަގުތައް އާންމުކުރާނެކަމަށް އެކަމަނާ ވިދާޅުވިއެވެ.

އެ އަގުތަކަކީ ރައްޔިތުންނަށާއި ޑްރައިވަރުންވެސް ކަމުދާނެ އަގުތަކަކަށް ވާނެކަމަށް މިނިސްޓަރ ވިދާޅުވިއެވެ.