ސުޕްރީމް ކޯޓުގެ ފަނޑިޔާރުން ވަކިކުރުމަށް ލަފާާދެނީ

ދިވެހިރާއްޖޭގެ ސުޕްރީމް ކޯޓުގެ ބައެއް ފަނޑިޔާރުން ވަކިކުރުމަށް ޖޭއެސްސީއަށް ލަފާދިނުމަށް ރައްޔިތުންގެ މަޖިލީހުގެ ޖުޑީޝަރީ ކޮމެޓީން ނިންމައިފިއެވެ.

އެ ކޮމެޓީން މިހެން ނިންމާާފައިވަނީ ސުޕްރީމް ކޯޓުގެ ފަނޑިޔާރުން ގާނޫނު އަސާސީއާއި ޚިލާފަށް އަމަލުކުރިކަމަށްބުނެ އެކުލަވާލި ރިޕޯޓެއްގައެވެ. މި ރިޕޯޓް މިހާރު ވަނީ ރައްޔިތުންގެ މަޖިލީހުގެ ތަޅުމަށް ފޮނުވާފައެވެ. މި ރިޕޯޓް އެކޮމެޓީން އެކުލަވާލާފައިވަނީ މި މައްސަލައިގައި ޖޭއެސްސީން މީގެ ކުރިން އެކުލަވާލި ރިޕޯޓެއްގެ މައްޗަށް ބިނާކޮށެވެ.

ޖުޑީޝަރީ ކޮމެޓީން އެކުލަވާލި ރިޕޯޓްގައިވާ ގޮތުގައި ސުޕްރީމް ކޯޓުގެ ފަނޑިޔާރުން ގާާނޫނު އަސާސީއާއި ޚިލާފަށް ކުރެއްވި ހަތްކަމެއް ވަނީ ފާހަގަކުރެވިފައެވެ.

އެ ކޮމެޓީން ބުނީ ސުޕްރީމް ކޯޓުން ގާނޫނުއަސާސީއާ ހިލާފަށް އަމަލުކުރަމުން ގެންދާާތީ އެކަމުން ރައްޔިތުންނަށް ލިބެމުންދާ އަނިޔާއާއި ގެއްލުމުގެ ވާހަކައާއި ކަންބޮޑުވުން ރާއްޖޭގެ ގިނަ ރައްޔިތުން ފާޅުކުރައްވަމުން ގެންދާކަން ފާހަގަކުރެވިފައިވާ ކަމަށެވެ. އަދި އެފަދަ ސަބަބުތަކުގެ މައްޗަށް ބިނާކޮށް އެ ފަނޑިޔާރުންގެ މައްސަލަ ޖުޑިޝަލް ސާވިސް ކޮމިޝަނުން ބަލައި އެ ފަނޑިޔާރުންނާ މެދު ފިޔަވަޅު އެޅުމަށް އެންގުމަށް ކޮމެޓީން ވަނީ ނިންމާފައެވެ.

ފާހަގަކޮށްލެވޭ ގޮތުގައި ޖުޑީޝަލް ކޮމެޓީގެ ރިޕޯޓް ރައްޔިތުންގެ މަޖިލީހުން ފާސްކޮށްފިނަމަ، އެ ފަނޑިޔާރުން މަގާމުން ވަކިކުރުމަށް ޖޭއެސްސީއަށް ހުށައަޅާނެއެވެ.