ކެޕްޓަން ވެލެންސިއާ މި ސީޒަނަށްފަހު ޔުނައިޓެޑައި ވަކިވަނީ
މެންޗެސްޓާ ޔުނައިޓެޑަށް ކުޅެމުން އަންނަ އެންޓޯނިއޯ ވެލެންސިއާ މި ސީޒަން ނިމުމާއެކު އެ ކްލަބް ދޫކޮށްލާގޮތަށް ހަމަޖެހިއްޖެއެވެ.
ޔުނައިޓެޑްގެ ކެޕްޓަންކަންވެސް ކުރަމުން އަންނަ ވެލެންސިއާ، ޔުނައިޓެޑް ދޫކޮށްލަން ނިންމީ ކޮންޓްރެކްޓް އައު ކުރުމަށް ދެފަރާތުގެ މެދުގައި ދެކެވުނު ވާހަކަތަކުގައި އެއްބަސްވުމަކަށް ނާދެވުމުންނެވެ. ވެލެންސިއާވަނީ މި ސީޒަން ނިމުމާއެކު ޔުނައިޓެޑް ދޫކޮށްލާނެކަން އޭނާގެ އޮފިޝަލް ޓްވިޓާ އެކަންޓް މެދުވެރިކޮށް ކަށަވަރުކޮށްދީފައެވެ.
Lago Agrio is a very humble town in Ecuador. When I was a child, I never imagined travel to Europe. Thanks to God for letting me play 10 years in the best club in the world: @ManUtd. Now I am focused on my recovery so I can end the season playing at Old Trafford! pic.twitter.com/ftqMLCDWlr
— Antonio Valencia (@anto_v25) March 1, 2019
10 އަހަރު ޔުނައިޓެޑަށް ކުޅެދީފައިވާ ވެލެންސިއާ މިވަގުތު ހުރީ ލިބިފައިވާ އަނިޔާއަށް ފަރުވާ ހޯދުމަށް އޭނަ ނިސްބަތްވާ ގައުމު ކަމަށްވާ އެކުއަޑޯގައެވެ.
އަނިޔާގެ މައްސަލަތަކާހުރެ މި ސީޒަނުގެ މިހާތަނަށް ވެލެންސިއާއަށް ކުޅެވިފައިވަނީ އެންމެ 9 މެޗެވެ. މިވަގުތު ޔުނައިޓެޑުގެ ކެއާ ޓޭކާ ކޯޗްކަމައި ހަވާލުވެގެން ހުރި ޝޯލްޝާގެ އިރުޝާދުގެ ދަށުން އޭނާއަށް ކުޅެވިފައިވަނީ އެންމެ މެޗެއްކަން ފާހަގަކޮށްލެވެއެވެ.
ޔުނައިޓެޑްގެ ކަނާތު ފަޅިން ޑިފެންސްއަށް ކުޅެމުން އަންނަ ވެލެންސިއާ ނެތްތަން ފޫބައްދަމުން އަންނަނީ އޭޝްލީ ޔަންގް އަދި އުމުރުން 19 އަހަރުގެ ޒުވާން ތަރި ޑިއޯގޯ ޑަލޮޓްއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
