އަލިފާނުގެ ހާދިސާއަކީ ޓެރަރިޒަމްގެ އަަމަލެއްކަމަށް އަދިއެއް ނުބެލެވޭ: ފުލުހުން
މިދިޔަ ހުކުރު ދުވަހު ހެންވޭރު ކަޅުހުރާގޭ ސަރަހައްދުގައި ހިނގި އަލިފާނުގެ ހާދިސާއަކީ ޓެރަރިޒަމްގެ އަމަލެއްކަމަށް އަދި ނުބެލެވޭކަމަށް ފުލުހުން ހާމަކޮށްފިއެވެ.
އެ ހާދިސާ ހިނގި ސަރަހައްދުގައި ހުރެ މިއަދު ހަވީރު މީޑިޔާތަކަށް މައުލޫމާތު ދެއްވަމުން ޗީފް އިންސްޕެކްޓާ އޮފް ޕޮލިސް ހަސަން ޝިފާއު ވިދާޅުވީ، މިހާތަނަށް ބެލި ބެލުމުން އެއީ ޓެރަރިޒަމްގެ އަމަލެއްކަމަށް ފާހަގަވެފައިނުވާކަމަށެވެ.
ޝިފާއު ވަނީ މި ހާދިސާގެ ތަހުގީގުދަނީ ހުރިހާ އޭންގަލްއަކުން ބަލައިގެންކަމަށް ވިދާޅުވެފައެވެ. އަދި މި ހާދިސާ ހިނގަން މެދުވެރިވި ސަަބަބު މިހާތަަނަށް ހޯދިފައިނުވާކަމަށްވެސް އެބޭފުޅާ ވަނީ ފާހަގަކުރައްވާފައެވެ.
ފާހަގަކޮށްލެވޭ ގޮތުގައި އެ އަލިފާނުގެ ހާދިސާއަކީ، ދުރާލާ ރޭވިގެން ހިންގި ޓެރަރިޒަމްގެ އަމަލެއް ކަމަށް ރައްޔިތުންގެ މަޖިލީހުގެ ހެންވޭރު އުތުރު ދާއިރާގެ މެންބަރު އިބްރާހިމް މުއިއްޒު ވަނީ ތުހުމަތު ކުރައްވާފައެވެ.
އެބޭފުޅާ އިތުރަށް ވަނީ އެ ހާދިސާއާ ގުޅޭ ގޮތުން އެއްވެސް ކަހަލަ މައުލޫމާތެއް ލިބިފައިވާ ނަމަ އެކަން މީސް މީޑިއާގައި ހިއްސާ ކުރުމުގެ ބަދަލުގައި ސީދާ ފުލުހުންނާއި ހިއްސާ ކުރުމަށް އެދިލައްވާފައެވެ.
ފޮޓޯ: ސަން
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
