މަޖީދީމަގަށް ނަޖިސް ލީކްވަނީ
މަޖީދީމަގަށް ގިނަ އަދަދަކަށް ޖަންގްޝަންތަކުން ނަޖިސްފެން ބޭރުވާންފަށައިފިއެވެ.
އެގޮތުން މަޖީދީމަގު ޑިލައިޓް ކުރިމައްޗައް ވާގޮތައް ހުންނަ ޖަންގްޝަނާއި އޭޑީކޭ ސަރަހައްދުގައި ވާ ޖަންގްޝަންތަކުން އަންނަނީ ގިނައަދަދަކަށް ނަޖިސްފެން ބޭރުވަމުންނެވެ.
އެސަރަހައްދުގައި ނުބައި ވަސް ވަރަށް ގަދައަށް ހިފާފައިވާ އިރު ކަމާ ބެހޭ އެއްވެސް ފަރާތަކުން އަދި ހަރަކާތްތެރިވަމުން ނާދެއެވެ.
ޖަންގްޝަންތަކުން ނަޖިސް ބޭރުވުމަކީ މީގެ ކުރިންވެސް ދިމާވަމުން އަންނަ މައްސަލައެކެވެ.
އެމްޑަބްލިއުއެސްސީގެ ޓެކްނިކަލް އެންޑް ކަސްޓަމާ ސާވިސް މެނޭޖަރު މުހައްމަދު ފަޒީލް ރަޝީދު މިދިޔަ އަހަރުގެ އޮގަސްޓް 30 ވަނަ ދުވަހު ވިދާޅުވެފައިވާ ގޮތުން ތިންމަސް ދުވަސްތެރޭގައި ޖަންގްޝަންތަކުން ނަޖިސް ބޭރުވުމުގެ މައްސަލަ ހައްލުކުރެވިގެންދާނެކަމަށް ވިދާޅުވެފައިވެއެވެ. އަދި މި އޮތް ހުރިހާ ދުވަހު އެކަމަށް ހައްލެއް ލިބިފައި ނުވަނީ ނަރުދަމާގެ ނިޒާމު ތަރައްގީކުރަން ބިމެއް ނުލިބިގެން ކަމަށެވެ. އެކަމަކު މާލޭގައި އަލަށް ހިއްކި އިންޑަސްޓްރިއަލް ވިލެޖުން އެ ކުންފުންޏަށް ލިބުނު ބިމުގައި އާ ޕަމްޕް ސްޓޭޝަނެއް ބެހެއްޓުމުން އެ މައްސަލައަށް މި ވަގުތަށް ހައްލެއް ލިބޭނެ ކަމަށް އޭނާ ވިދާޅުވި އެވެ.
މިއަދަކީ ސަރުކާރު ބަންދު ދުވަހެއްކަމުން އެމްޑަބްލިއުއެސްސީގެ ބަހެއްވަނީ ލިބޭގޮތް ނުވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
