ގެއްލިގެން ހޯދަމުންދާ "ކޮލަމާ' ބޯޓު ފެނިއްޖެ
ލިޔުންތެރިޔާ
އަބްދުﷲ ހުސައިން
ގެއްލިގެން ހޯދަމުްނދިޔަ ކޮލަމާ ބޯޓު މިއަދުގެ ވަގުތެއްގައި ފެނިއްޖެއެވެ.
ކޮލަމާ ބޯޓު ފެނިފައިވާކަމަށް ފުލުހުން ވަނީ ޔަގީންކޮށްދީފައެވެ. ފުލުހުން މިއަދު ބުނީ، އެކިފަރަ ސަރަހައްދުން ކަމަށާއި، އެ ސަރަހައްދުގައި ފުލުހުން ހަރަކާތްތެރިވަމުންދާކަމަށެވެ. ބޯޓު ފެތިފައިވާކަމަށް ބައެއް ފަރާތްތަކުން ބުނި ނަމަވެސް އެ ބޯޓު ފެތުނުކަމެއް ފުލުހުން އަދި ކަށަވަރުކޮށެއް ނުދެއެވެ.
ބޯޓުގެ ކެޕްޓަން ނިޔާވިކަމުގެ ހަބަރުތައް ފެތުރުނު ނަމަވެސް ފުލުހުން އަދި އެކަން ކަށަވަރުކޮށެއް ނުދެއެވެ. ފުލުހުން ބުނީ ބޯޓުގެ ކެޕްޓަން، ފުލުހުންގެ ލޯންޗެއްގައި ގއ ވިލިނގިލީ ހޮސްޕިޓަލަށް ގެންދިއުމުގެ މަސައްކަތް ކުރަމުންދާކަމަށެވެ.
މި ބޯޓު ގެއްލިގެން އުޅޭކަމުގެ ރިޕޯޓް ލިބިފައިވަނީ، ރޭގެ ވަގުތެއްގައެވެ. މައުލޫމާތު ލިބިފައިވާ ގޮތުގައި ބޯޓު ލ އަތޮޅުން ފުރާފައިވަނީ ރޭ 10 ޖަހާކަންހާއިރު ހުވަދުއަތޮޅަށް ދިއުމަށެވެ. ނަމަވެސް މާގިނައިރުތަކެއްނުވެ ވަނީ ބޯޓާ ގުޅުން ކެނޑިފައެވެ. ބޯޓު ގެއްލިގެން އެމްއެންޑީއެފުން މިއަދު ވަނީ އެ ބޯޓު ހޯދުމުގައި އާއްމުންގެ އެހީތެރިކަމަށްވެސް އެދިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
