ޢައްޒާގެ ސްކޫލަށްދިން ހަމަލާ: އިޒްރާއީލް ޖަވާބުދާރީ ކުރުވަންޖެހޭ: ރައީސް މުއިއްޒު
ލިޔުންތެރިޔާ
ސްޓާފް ރައިޓަރ
ޢައްޒާގެ ސްކޫލަކަށް އަމާޒުކޮށް އިޒްރާއީލް ސިފައިން ދިން ހަމަލާގައި އިޒްރާއީލް ޖަވާބުދާރީ ކުރުވަން ޖެހޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ޢައްްޒާގެ ސްކޫލަކަށް އިޒްރާއީލުން ދިން ހަމަާ ހަރުކަށި އިބާރާތުން ކުށްވެރިކުރައްވައި ރައީސުލްޖުމްހޫރިއްޔާ އެކްސްގައި ކުރެއްވި ޕޯސްޓެއްގައި ވިދާޅުވީ، އެ ހަމަލާ ތަހުގީގުކޮށް، ބައިނަލްއަޤްވާމީ ފަރާތްތަކުން އިޒްރާއީލް ޖަވާބުދާރީ ކުރުވަން ޖެހޭނޭ ކަމަށެވެ. ރައީސް ކުރެއްވި ޕޯސްޓްގައި ވިދާޅުވީ އިޒްރާއީލްގެ އަނިޔާވެރި މި ހަމަލާގެ ސަބަބުން ފަލަސްތީނުގެ ކުޑަކުދިންނާއި މުސްކުޅިންނާއި އާއްމުންނަށް ލިބުނު ހިތްދަތި މަންޒަރުތައް ފެނިވަޑައިގަންނަވާކަމަށެވެ.
ރައީސް ވިދާޅުވީ މިދިޔަ އަހަރުގެ އޮކްޓޯބަރުމަހުން ފެށިގެން އިޒްރާއީލުން ފަށަފައިވާ ހަމަލާތަކުގައި މިހާތަނަށް ފަލަސްތީނުގެ 39،000 އަށްވުރެ ގިނަ މީހުން ޝަހީދުކޮށްލާފައިވާކަމަށެވެ. މިގޮތުން މި ހަމަލާތައް ހުއްޓުވަން އިޒްރާއީލުން އެއްވެސް މަސައްކަތެއް ކުރަމުންދާކަން ފާހަގަ ނުކުރެވޭކަމަށް ރައީސް ވަނީ ވިދާޅުވެފައެވެ.
ޣައްޒާގައި ހާލުގައި ޖެހިފައިވާ މީހުންނަށް ހިޔާވަހިކަން ދޭ ސްކޫލަކަށް އިސްރާއީލުން އަމާޒުކޮށް ދިން ހަމަލާ ދީފައިވަނީ އިއްޔެ ރޭ ފަތިސް ނަމާދަށް ތިއްބައެވެ. މި ހަމަލާތަކުގައި ޝަހީދުވި މީހުންގެ އަދަދު 93 އަށް އަރާފައިވާ ކަމަށް ވަނީ ރިޕޯޓުކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
