ބައި އިލެކްޝަނާ ގުޅިގެން މިލަދޫ ފެނަކައިގެ މުއައްޒަފުންތަކެއް ސަސްޕެންޑްކުރިކަމަށް އެމްޑީޕީން ތުހުމަތުކޮށްފި!

އިއްޔެ ނިމިގެންދިޔަ ބައި އިލެކްޝަނުގައި ނ.މިލަދޫގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ގޮނޑި އެމްޑީޕީ ކާމިޔާބުކުރުމާ ގުޅިގެން ފެނަކައިގެ މުއައްޒަފުންތަކެއް ސަސްޕެންޑްކުރިކަމަށް އެމްޑީޕީން ތުހުމަތުކޮށްފިއެވެ.

މިކަމާގުޅިގެން އެމްޑީޕީން ނެރުނު ބަޔާނުގައި ބުނީ މިލަދޫޣައި ބޭއްވި ބައި އިލެކްޝަނުގައި ޕީއެންސީގެ ކެނޑިޑޭޓްގެ މައްޗަށް އެމްޑީޕީގެ  ކެނޑިޑޭޓް އާމިނަތު އަޡުމާ ކުރިހޯދުމާ ގުޅިގެން އެރަށުގެ ފެނަކަ ކޯޕަރޭޝަން ބްރާންޗުގައި މަސައްކަތްކުރަމުންދާ އެމްޑީޕީއަށް ނިސްބަތްވާ މުވައްޒަފުންނާ ދެކޮޅަށް ފިޔަވަޅު އަޅާފައިވާތީވެ އެންމެ ހަރުކަށި އިބާރާތުން ކުއްވެރިކުރާ ކަމަށެވެ. އެމްޑީޕީން ބުނީ ފެނަކައިގެ ބައެއް މުއައްޒަފުންގެ ތަހުގީގެއް ފަށާފައިވާކަމަށް ބުނެ އެ ތަހުގީގުގައި ކަންކަން ބަލަންޖެހޭތީވެ، ބައެއް މުއައްޒަފުން 14 ދުވަހަށް ސަސްޕެންޑްކޮށްފައިވާކަމަށެވެ. އެމްޑީޕީގެ ބަޔާނުގައި ބުނެފައިވަނީ އެ މުއައްޒަފުން ސަސްޕެންޑްކޮށްފައިވަނީ އެއްވެސް ސަބަބެއް ބަޔާންކުރުމެއްނެތި އެއްވެސް އަސާސްގެ މައްޗަކަށްނޫން ކަމަށެވެ.

ސަރުކާރަށް ތާއީދުނުކުރުމަކީ އެމީހަކު އަދާކުރަމުންދާ ވަޒީފާއިން އެކަހެރިކޮށް ސަސްޕެންޑް ކުރުމަށް އޮތް ހުއްޖަތެއް ނޫންކަން ފާހަގަކުރަމުން އެމްޑީޕީން ބުނީ އިންތިހާބުތަކުގައި ވާދަކުރުމާ ވޯޓުލުމަކީ ދިވެހި ކޮންމެ ރައްޔިތަކަށް ޤާނޫނު އަސާސީން ކަށަވަރުކޮށްދޭ ހައްގެއްކަމަށެވެ. އެހެންކަމުން އެ ހައްޤުގެ ބޭނުންކުރާ މީހުންނާ ދެކޮޅަށް އެމީހަކު ނިސްބަތްވާ ސިޔާސީ ފިކުރަށް ބަލައި ފިޔަވަޅު އެޅުމަކީ ސަރުކާރުގެ ފިނޑިއަމަލެއް ކަމަށެވެ.

އެމްޑީޕީގެ ކެނޑިޑޭޓް އިންތިހާބު ކާމިޔާބުކުރެއްވީ ސަރުކާރުން އިންތިހާބަށް ނުފޫޒު ފޯރުވަމުންދަނިކޮށް ވަރަށް ތަނަވަސް އަގުލަބިއްޔަތަކުންކަން އެމްޑީޕީން ވަނީ ބުނެފައެވެ. އެޕާޓީން ވަނީ ވަޒީފާގެ ބިރުދަށްކައިގެން އިދިކޮޅު ހިޔާލުތަކުގެ އަޑު ކަނޑުވާލުމަށް ދައުލަތުގެ އިދާރާތަކާއި ސަރުކާތުގެ ކުންފުނިތަކުން ކުތަމުންގެންދަ މަސައްކަތްތައް ހުއްޓާލުމަށް ގޮވާލާފައެވެ.