ބަށިމެޗު ހުއްޓުވަން ކޯޓު އަމުރު ނެރުނު މައްސަލަ އިދާރާތަކަށް ހުށައަޅަނީ
ގއ އަތޮޅު ޒަމާނީ ބަށިބޯޅަ މުބާރާތުގެ ފައިނަލް މެޗު ހުއްޓުވުމަށް އެ އަތޮޅުގެ ނިލަންދޫގެ މެޖިސްޓްރޭޓް ކޯޓުން ނެރުނު އަމުރުގެ މައްސަލަ ކުޅިވަރާއިބެހޭ އިދާރާތަކަށް ހުށައަޅާނެކަމަށް ބަށިބޯޅަ އެސޯސިއޭޝަނުން ބުނެފިއެވެ.
ވޮއިސްއަށް ދެއްވި އިންޓަރވިއުއެއްގައި އެ އެސޯސިއޭޝަންގެ ރައީސް ޝިޔާމާ ވިދާޅުވީ ކުޅިވަރުގެ ކަންކަމުގެ ތެރެއަށް ކޯޓުތަކުން ނުވަނުމަށް ގޮވާލާ ކަމަށެވެ.
އަދި މައްސަލަ ޖެހިފައިވާ ކަންކަން ކޯޓުން ބޭރުގައި ހައްލުކުރުމަށް އެދޭކަމަށް ޝިޔާމާ ވަނީ ވިދާޅުވެފައެވެ. އޭނާ ވިދާޅުވީ ބަށިބޯޅައިގެ ގަވާއިދަކީ އެ ޖަމްއިއްޔާގެ ވެބްސައިޓްގައިވެސް ޝާއިއުކުރެވިފައިވާ އެއްޗެއްކަމަށާއި، އެއީ ބަޔަކު ބޭނުންގޮތަކަށް ބަދަލުކުރެވޭނެ އެއްޗެއް ނޫންކަމަށެވެ.
އޭނާ ވަނީ މި މައްސަލަ ކުޅިވަރާއިބެހޭ އިދާރާތަކަށް ހުށައެޅުމަށް ނިންމާފައިވާކަަމަށް ވިދާޅުވެފައެވެ.
ޝިޔާމާ ވަނީ ފައިނަލް މެޗު މެދު ކަނޑާލުމަށްފަހު އުފެދިފައިވާ މައްސަލައެއް ހައްލެއް ހޯދުމަށް މަސައްކަތް ނުކުރާތީ ކަންބޮޑުވުން ފާޅުކޮށްފައެވެ. މިއީ ކުޅިވަރަށް ލިބޭ ބޮޑު ގެއްލުމެއްގެ ގޮތުގައި ޝިޔާމާ ވަނީ ސިފަކުރައްވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
