ރައީސް ޔާމީންގެ ގާތް ބޭފުޅެއްކަމުގައިވާ މުސްތަފާ ހައްޔަރުކޮށްފި
ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ދައުރުގައި މުލިއާގޭގެ ޗީފް އޮފް ސްޓާފްކަމުގެ މަގާމު އަދާކުރެއްވި އަހުމަދު މުސްތަފާ ހައްޔަރުކޮށްފިއެވެ.
މުސްތަފާ ހައްޔަރުކުރިކަން ފުލުހުންގެ ފަރާތުން ވަނީ ޔަގީންކޮށްދީފައެވެ.
ވޮއިސްއަށް އެނގިފައިވާ ގޮތުގައި މިއަދު ހަވީރު މުސްތަފާ ހައްޔަރުކުރެވިފައިވަނީ ރާއްޖެއިން ބޭރުގައި ދުވަސްކޮޅެއް ވަންދެން ހުރުމަށްފަހު ރާއްޖެ އައިތަނުން ވެލާނާ އިންޓަރނޭޝަނަލް އެއަރޕޯޓުންނެވެ.
މީޑިޔާތަކަށް މައުލޫމާތުދެމުން ފުލުހުން ބުނީ މުސްތަފާ ހައްޔަރުކުރެވުނީ ފަތުރުވެރިކަމަށް ރަށެއް ދޫކުރުމުގައި ރިޝްވަތު ހިފުމުގެ މައްސަލައެއްގައިކަމަށެވެ. މީގެ އިތުރުން މަގާމުގެ ބޭނުންކޮށްގެން ނާޖާއިޒު ފައިދާ ހޯދުމުގެ ތުހުމަތު ކުރެވޭ މައްސަލައެއްގައި ހެކީންނަށް ނުފޫޒު ފޯރުވަައި ބިރުދައްކަމުންދާ ކަމަށްވެސް މުސްތަފާގެ މައްޗަށް ވަނީ ތުހުމަތުުކުރެވިފައެވެ.
މުސްތަފާ އަކީ ކުރީގެ ރައީސް އަބްދުﷲ ޔާމީންގެ އަރިސް ބޭފުޅެކެވެ. އަދި އޭނާއަކީ މޯލްޑިވްސް ޗައިނާ ޓްރޭޑް އެންޑް ކަލްޗަރ އޯގަނައިޒޭޝަންގެ ރައީސްވެސް މެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
