އާސާރީ ތަންތަަނަށް ގެއްލުންދޭނަމަ ޖަލުހުކުމް ދެނީ

އާސާރީ ތަންތަނަށް ގެއްލުންދޭނަމަ ފަސް އަހަރާއި ވިހި އަހަރުގެ ޖަލުހުުކުމެއް ލިބޭގޮތަށް  ހިމެނޭ ތަންތަނަށް ގެއްލުންދޭނަމަ ބޮޑު އަދަބެއް ލިބޭގޮތަށް "ސަގާފީ ތަރިކައިގެ ބިލް"ގެ ޑްރާފްޓް ބިލެއް ހެރިޓޭޖް މިނިސްޓްރީން އެކުލަވާލައި އާއްމުންގެ ހިޔާލު ހޯދުމަށް ހުޅުވާލައިފި އެވެ.

މި ބިލްގެ ޑްރާފްޓެއްގައިވާ ގޮތުގައި ރާއްޖޭގެ ސަގާފި ތަރިކައަށް ގެއްލުމެއް ދީ ފިނަމަ، އެގެއްްލުން ދިން ތަރިކައެއްގެ ސިފަ އާއި އަގަށް ބަލައި 100،000 ރުފިޔާ އާއި އެއް މިލިއަން ރުފިޔާއާ ދެމެދުގެ އަދަދަކުން ޖޫރިމަނާ އެއް ކުރެވޭނެ އެވެ.

ނުވަތަ ގެއްލުންދިން މީހެއްގެ މައްޗަށް ފަސް އަހަރާއި 20 އަހަރުގެ ޖަލު ހުކުމެއް އެމީހެއްގެ މައްޗަށް އަންނާނެ އެވެ.

މި ގަވާއިދުގެ ދަށުން އާސާރީ ތަންތަނަށް ގެއްލުންދޭ މައްސަަލަތައް ބެލުމަށް ޚާއްސަ އެޖެންސީއެއް ހެދިގެންދާނެއެވެ.   ހެރިޓޭޖު ޕްރޮޓެކްޝަން އެޖެންސީގެ ނަމުގައި ރައީސުލްޖުމްހޫރިއްޔާ އައްޔަން ކުރާ ހަތް މެންބަރުންގެ މައްޗަށް އެކުލެވިގެންވާ ބޯޑެއް އޮންނަ މި އެޖެންސީ ފަށާތާ އެއް މަސް ތެރޭ އެޖެންސީ މެމްބަރުން އައްޔަން ކުރަން ޖެހޭނެ ކަމަށް އެޑްރާފްޓް ބިލްގައި ވަނީ ބުނެފަ އެވެ.

އާސާރީ ތަންތަން ހިމާޔަތް ކުރަން ގާނޫނީ އޮނިގަނޑެއް އެކުލަވާލުމަކީ ހެރިޓޭޖް މިނިސްޓްރީގެ ފުރަތަމަ 100 ދުވަހުގެ ވައުދެކެވެ.