ބޮޑުތަކުރުފާނުމަގުގައި މިއަދު ހިނގި އެކްސިޑެންޓްގައި އަނިޔާވީ އުމުރުން ދުވަސްވީ އަންހެނަކާއި ފިރިހެނަކަށް

މިއަދު ހަވީރު ބޮޑުތަކުރުފާނުމަގު ދަރުބާރުގޭ ކައިރި ހިނގި އެކްސިޑެންޓެއްގައި އުމުރުން ދުވަސްވީ އަންހެނަކާއި ފިރިހެނަކަށް އަނިޔާވެއްޖެއެވެ.

ފުލުހުން ބުނީ މި އެކްސިޑެންޓް ހިމގިކަމުގެ މައުލޫމާތު ލިބިފައިވަނީ 17:10 ހާއިރުކަމަށެވެ. އެކްސިޑެންޓް ވެފައިވަނީ ބަހަކާއި ސައިކަލް ޖެހިގެންނެވެ. އެކްސިޑެންޓްގައި ސައިކަލުގައި ދުއްވަންއިން އިނީ 69 އަހަރުގެ ދިވެހި ފިރިހެނަކެވެ. ސައިކަލް ފަހަތުގައި 72 އަހަރުގެ ދިވެހި އަންހެނަކު އިން އިރު ދެމީހުނަށްވެސް އަނިޔާވެފައިވާކަމަށް ފުލުހުން ބުންޏެވެ.

ނަމަވެސް އެމީހުންނަށް ސީރިއަސް އަނިޔާއެއް ނުވާކަމަށް ފުލުހުން ބުންޏެވެ. މި އެކްސިޑެންޓްގެ މައްސަލަ ފުލުހުން ދަނީ ބަލަމުންނެވެ.