ކައުންސިލްގެ އާ އިމާރާތްތައް އަޅާ 50 ރަށް އިއުލާންކޮށްފި

ކައުންސިލްގެ އާ ޢިމާރާތްތައް އަޅާ 50 ރަށް އިއުލާންކޮށްފި އެވެ.

ކައުންސިލްގެ އާ ޢިމާރާތްތައް އަޅާ 50 ރަށް އިއުލާނު ކުރެއްވީ، މިއަދު ބޭއްވި ނޫސްވެރިންގެ ބައްދަލުވުމެއްގައި، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފެވެ.

ނޫސްވެރިންގެ ބައްދަލުވުމުގައި، ވަޒީރު އާދަމް ޝަރީފް ވިދާޅުވީ، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާއިން ބެލިބެލުމުގައި 100 އަށް ވުރެ ގިނަ ރަށްރަށަށް ކައުންސިލްގެ އާ ޢީމާރާތް ބޭނުންވާ ކަމަށެވެ.

ނަމަވެސް، މި ވަގުތު އިސްކަންދޭނީ އެންމެ ބޮޑަށް އާ ޢިމާރާތެއް ބޭނުންވެފައިވާ ރަށްރަށަށް ކަމަށެވެ. އަދި އެ ރަށްތައް ކަނޑައެޅީ ވަރަށް ގިނަ ކަންކަމަށް ރިޢާޔަތްކުރުމަށް ފަހުގައި ކަމަށް ވެސް ވަޒީރު ވިދާޅުވި އެވެ.

ވަޒީރު އިތުރަށް ވިދާޅުވީ، ކައުންސިލްގެ އާ އިމާރާތްތައް އެޅުމަށް ދައުލަތުގެ މި އަހަރުގެ ޕީއެސްއައިޕީ ބަޖެޓުގައި ބަޖެޓުކޮށްފައިވާ ރަށްތައް މިއަދު އިޢުލާނު ކުރި ލިސްޓުގައި ނުހިމެނޭނެ އެވެ. އެހެންނަމަވެސް، ބަޖެޓުގައި އޮތް ގޮތަށް އެ ރަށްތަކުގެ ކައުންސިލް އިދާރާތައް އެޅުމުގެ މަސައްކަތް ކުރިއަށް ގެންދާނެ ކަމަށްވެސް ވަޒީރު ވިދާޅުވިއެވެ.

ކައުންސިލް އިދާރާ އަޅަން ސަރުކާރުން ކަނޑައެޅި 50 ރަށަކީ:

ހއ. ވަށަފަރު، ހއ. އިހަވަންދޫ، ހއ. ދިއްދޫ،

ހދ. ކުމުންދޫ، ހދ. ނޭކުރެންދޫ، ހދ. ވައިކަރަދޫ،

ށ. ފޭދޫ، ށ. ކޮމަންޑޫ، ށ. ގޮއިދޫ، ށ. ނަރުދޫ،

ނ. ހެނބަދޫ، ނ. ޅޮހި، ނ. ފޮއްދޫ، ނ. މަނަދޫ، ނ. މަގޫދޫ، ނ. ލަންދޫ،

ރ. ވާދޫ، ރ. ހުޅުދުއްފާރު،

ބ. ކަމަދޫ، ބ. ކުޑަރިކިލު، ބ. ފެހެންދޫ، ބ. އޭދަފުށި، ބ. ތުޅާދޫ، ބ. ކިހާދޫ،

ޅ. ކުރެންދޫ،

ކ. ހިންމަފުށީ، ކ. ކާށިދޫ، ކ. ގާފަރު، ކ. ގުރައިދޫ، ކ. ތުލުސްދޫ،

އދ. ކުނބުރުދޫ، އދ. މަހިބަދޫ، އދ. ފެންފުށި،

މ. މުލައް، މ. ދިއްގަރު، މ. މުލި،

ފ. ފީއަލި،

ދ. ހުޅުދެލި، ދ. ބަނޑިދޫ،

ތ. އޮމަދޫ، ތ. ގާދިއްފުށި، ތ. ބުރުނި، ތ. ގުރައިދޫ، ތ. ވޭމަންޑޫ،

ލ. މާބައިދޫ، ލ. ކުނަހަންދޫ، ލ. މާވަށް،

ގއ. މާމެންދޫ، ގއ. ނިލަންދޫ

ގދ. މަޑަވެލި

ކައުންސިލް ތަކުގެ އައު ޢިމާރާތް އެޅުމުގެ މި މަޝްރޫޢަކީ ޗައިނާގެ ސަރުކާރުގެ ހިލޭ އެހީގައި ހިންގާ މަޝްރޫޢެކެވެ. މި ހުރިހާ ރަށެއްގައި ކައުންސިލް އިދާރާތައް އެޅުމުގެ މަސައްކަތް ފަށަން ނިންމާފައިވަނީ އެއްކޮށެވެ.