އަޅުގަނޑުގެ ސުކުރު ދިރާގު ފޯންބޫތްތަކަށް

ޅައުމުރުގެ ހަދާން އެކިއެކި ކުދިން ހުންނާނީ އެކިވަރަށެވެ. އަދި އެކި ކުދިންގެ ހަނދާންތަށް ތަފާތުވާނެއެވެ. ނަމަވެސް ގިނަ ކުދިންގެ ޅައުމުރުގެ ހަނދާންތަށް ވަރަށް ގިނަފަހަރު އެތްގޮތެވެ. ނަމަވެސް ހަދާނަކީ ވަރަށް ޒާތެއްގެ އެއްޗެކެވެ.

ހަނދާނަކީ ހަގީގަތުގައިވެސް ޒާތެއްގެ އެއްޗެއްތާއެވެ، މީގެ 25 ހަކަށް އަހަރުކުރިން ވެފަހުނަކަންކަންވެސް ހަމަ ހަދާނަށް އަންނަންވީމަ އަންނަންވީއެވެ. އަދި ދެދުވަސްވީ ކަންކަން ހަދާނުން ފިލަންވީމަ ވިލަނީއެވެ. ކޮންމެއަކަސް މީހުން އަޅުގަނޑަކީ ހަދާންގަދަ ސޮރެކޭ ބުނާތީ އަހަމެވެ. އަދި ހާއްސަކޮށް ޅައުމުރުގެ ދުވަސްތަކަކީ ވަކިން ހާއްސަކޮން އަޅުގަނޑު ހަދާނުގައި ހުންނަ ދުވަސްތަކެކެވެ.

އަވަށްޓެރި ކޮޅުބަށް ކުރި ދަތުރެއް ނިންމާލުމަށްފަހު ގައުމަށް އެބުރި އައުމަށްޓަކައި އެއާޕޯޓުގައި ފޯނު ކޮށްޓަމުން ކޮފީއެއް ބޯންއިނީމެވެ. ޓުވިޓާރ ސްކުރޯލް ކުރަމުން ދަނިކޮން ލޮލުގައި އަޅައިގަތީ އެންމެކުރީގައި ދިރާގުން ރަށްރަށުގައި ބެހެއްޓި ފޯނު ބޫތެއްގެ ފޮޓޯއެކެވެ، ދިރާގުން ބާއްވަމުންދިޔަ މުބާރާތަކާގުޅޭ ފޮޓޯއެކެވެ، އަޅުގަނޑުގެ ހިޔާލުތަށް ފޯޓޯފެނުމާއިއެކު ސޮއްސާލިއެވެ. ގަޑިއަށް ބާލާލުމަށްފަހު އަތުގައިއޮތް ލަކުޑި ކުލައިގެ ދަބަހުން ލެޕްޓޮޕް ނެގީމެވެ.

އަޅުގަނޑާ ދިރާގު ޕޯން ބޫތްތަކާއި އޮންނަނީ ވަރަށްޒަމާންވީ ހަދާނެކެވެ، ހާއްސަކޮށް އެއީ އަޅުގަނޑު ކަހަލަ ޅައުމުރުގައި ކިޔަވަން އަމިއްލަ ވަޒަންދޫކޮށް އެހެން ރަށްތަކަށް ބަދަލުވި ކުދިންނަށް ހަދަހާވާ ހިދުމަތްކޮށްދެވި ހިދުމަތްތެރި ފޯން ބޫތްތަކެކެވެ.

އިއްތިފާގުން ނަމަވެސް އަޅުގަނޑަށްވެސް ދިރާގަށް ވީ އަހަރެއް ވެއްޖެއެވެ. އަޅުގަނޑާ މިބުނާ ދިރާގު ފޯނު ބޫތުތަކާއި އޮންނަނީ މިހާރު މިވެރިން ކިޔާގޮތުން ނަމަ ހިތާހިތުގެ ގުޅުމެކެވެ. ސަބަބުތަށް ގިނައެވެ. އަޅުގަނޑުވެސް ޅައުމުރުގައި ދިރިއުޅެމުން އައީ އަމިއްލަ ރަށުގައެވެ. އޭރު އުމުރުންވެސް ވަރަށް ޅައެވެ. އަދި ދިރާގުގެ ފޯން ބޫތްތަކުގެ އުމުރުވެސް ހަމަ އެހާޅައެވެ. ނަމަވެސް ފޯން ބޫތްތަކާއި އޮންނަނީ ގާތްގުޅުމެކެވެ. އަނެއްކާވެސް ދަންނަވަންޖެހެނީ ސަބަބުތަށް ވަރަށްގިނައެވެ.

އަޅުގަނޑުގެ ބައްޕައަކީ ރާ އަތޮޅަށް ނިސްބައްވާ ހުނަރުވެރި ވަޑިއެކެވެ. އެހެންކަމުން އޮޑިދޯނިފަހަރު ބަނުމަށްޓަކައި އަބަދުވެސް ރަށުންބޭރުގައި އަހަރުގެ ގިނަދުވަސްތަށް ހޭދަކުރެއެވެ. ކުރާ ކޮންމެ ދަތުރަކު މަދުވެގެން ދެ މަސްވަރުނަގައެވެ. އަދި ނިމުނީކީނޫނެވެ. އަޅުގަނޑުގެ އާއިލާގައި ހުންނަނީ އެންމެ ދައްތައެކެވެ. ހަނދާން ހުންނަން ފެށުނީއްސުރެ ދޮންތަ ހުންނާނީގޮސް ބ އަތޮޅުގެ ރަށަކަށް ކިއަވަން ފޮނުވާލާފައެވެ.

ކުރުކޮން ބުނަނަށްޔާމު އެއް އާއިލާއެއްކަމަކު ދިރިއުޅެނީ ތިންހާލީގައެވެ. އަދި އެވެސް ތިންރަށުގައެވެ. އެދުވަސްވަރަކީ ދަތުރުފަތުރުގެ ދަތިޒަމާނެކެވެ. މުވައްސަލާތީ ހިދުމަތަކީ ނެއްއެއްޗެކެވެ. މިއަދުގެ ޒުވާނުންގެ ބަހުންނަމަ ލަގްޒަރީއެކެވެ . އެހެންކަމުން އޭރު ލިޔުނީ ކުޑަސީޓީއެވެ. ދިރާގުން ރަށްރަށައް ފޯންބޫތް ބެހެއްޓުންވެގެން ދިޔާއީ އުފާވެރިކަމަކަށެވެ. އެހެންވާނެ ނޫންތޯއެވެ. ކެޑިފައިއޮތް އާލީގުޅުން ގުޅުވާލިއެވެ. ދުރުގައި ކިއަވަންއުޅުން ދައްތަމެންނާ ގާތްކޮށްދިނެވެ. ބެނުންވާ ޒަރޫރީ ބޭނުންތަށް ހޯދަން ފަސޭހަވިއެވެ.

އެކި ކުދިން ފޯރިހުންނާނީ އެކިކަންކަމާއެވެ. ނޫންނަމަ ގަޔާވާނީ އެކިކަންތަކާއެވެ. ނަމަވެސް މީގެ އަހަރުތަކެށްކުރިން ބަޔަކު ބެހެއްޓި ފޯނު ބޫތްތަކަކާ ނެއްޓިގެން އަޅުގަނޑު މިއުޅެނީ ކީއްވެތޯ ފަހަރުގައި ހިތަށް އަރާފާނެއެވެ. ޖަވާބަކީ އެ ފޯންބޫތަށް އަޅުގަނޑަށް ކޮށްދެވި ހިދުމަތްތައް ބޮޑީއެވެ. އަދި މިއަދު ކާމިޔާބެއް ދިރިއުޅުމުގައި ވާނާމަ އެ ފޯންބޫތްތަށް ކުޅުނު މެދުވެރިއެއްގެ ރޯލެވެ.

މުއާސަލާތި ހިދުމަތެއްނެއް، ދަތުރުފަތުރުގެ ނިޒާމެއްނެއް ތިންވަނަ ދުނިޔޭގެ ރާއްޖޭގެ ރަށެއްގައި މީގެ ފަނަރަ އަހަރުކުރީގެ ހާލަތު އޮންނާނެ ގޮތް ތީގެން ކޮންމެ ބޭފުޅަކަށްވެސް އެނގޭނެތާއެވެ. ނަމަވެސް ދިރާގު ފޯންބޫތަށް ވެގެންދިޔައި އަޅުގަނޑާއި ދުނިޔެއާއި ގުޅުވާލި މެދުވެރިއަކަށެވެ.

މީގެ 20 އަހަރުކުރިން ރާއްޖޭގެ ބަންދުވެފައިވާ ރަށެއްގައި ދިރިއުޅެމުން ދިޔަ އުމުރުން 10 އަހަރުގެ ކުއްޖެއްގެ ވިސްނުމާ ހިޔާލު ހުންނާނެގޮތް ވިސްނާލައްވާށެވެ. އޭރު ސުކޫލް ފޮތުގެ އިތުރުން ކިޔާނެ އިތުރު ފޮތެއްނުހުރެވެ. ބަލާނެ ނޫހެއް މިޒަމާނުގައި ލިބެންހުންނަ ގޮތަކަށް ލިބެންނުހުރެއެވެ. ނަމަވެސް ހަދާނަކީ ޒާތެއްގެ އެއްޗެއްހެން ނަސީބާކީވެސް ފާޑެއްގެ އެއްޗެކެވެ. ދިރާގުގެ ފޯންބޫތުތަށްވީ އަޅުގަނޑުގެ ނަސީބަކަށެވެ. ބޭނުންވާ ތަކެތި މާލެއަށް އަންގައިގެން ގެނުވުނު މެދުވެރިއަކަށެވެ. ފޮތަށް ސައުގުހުރި އަޅުގަނޑަށް ފޮތްލިބުމުގައި މެދުވެރިއަކަށެވެ. އެތަށް އަހަރެއްވަންދެން ރާއްޖޭގައި ނެރެމުންދިޔަ ހަވީރު އަދި އާފަތިސް ނޫސްކަހަލަ ނޫސްތަށް އެ ޅައުމުރުގައި ރަށުގައި ހުރެގެން އަޅުގަނޑަށް ކިޔާލަން ލިބުމުގެ މެދުވެރިއަކަށެވެ. އެހެންކަމުން ނޫސްވެރުކަމަށް ސައުގުޖެހުމުގައިވެސް ފޯންބޫތުތަށް ދައުރު ބޮޑު ވެދާނެނޫންތޯއެވެ.

ކުރިން ދެންނެވިހެން އިއްތިފާގުން ނަމަވެސް އަޅުގަނޑަށްވެސް ދިރާގަށް ވީ އަހަރެއް ވެއްޖެއެވެ. އަދި އަޅުގަނޑަށް ފޯނުބޫތުތަކުގެ ފޮޓޯ މިއަދު ފެނުންމިވީ މާބޮނޑު އިއްތިފާގަކަށްވެސް ވެދާނެއެވެ. މިއަދު އަޅުގަނޑު ކޮޅުބުގެ އެއާރޕޯޓުގައި މިއިނީ މާސްޓާރސް ޑިގްރީގެ ސެޓްފިކޭޓް ބަލާއައިސް އެބުރި ގައުމަށް ދިއުމަށެވެ.

ދެންވެސް އަނެއްކާވެސް ބުނަންއޮތީ މީގެ 20 އަހަރުކުރިން ރާއްޖޭގެ ބަންދުވެފައިވާ ރަށެއްގައި ދިރިއުޅެމުން ދިޔަ އުމުރުން 10 އަހަރުގެ ކުއްޖެއްގެ ވިސްނުމާ ހިޔާލަށް މަތީތައުލީމު އަންނާނީ ކިހިނެއްތޯއެވެ. ބުނަންއޮތީ އެއްކަލަ ދިރުމެއްނެތް ފޮއްޓެއްގެ ސިފައިގާ ހުރި ފޯންބޫތު މެދުވެރިއެއްގެ ރޯލްކުޅުނީމައެވެ. 20 އަހަރު ކުރިން އަޅުގަނޑުގެ ދޮންބެ މަތީތައުލީމް ހޯދުމަށްގޮސް ހުރީ އޮސްޓްރޭލިއާ އަދި މެލޭޝިޔާއަގައެވެ. ފޯންބޫތުތައްވީ އަޅުގަނޑުމެން ދެބެން ގުޅުވާލި މެދުވެރިއަކަށެވެ. އަދި ދެމީހުންގެ ދެމެދުގައި ކިއެވުމުގައި ވާދަވެރިކަން އުފެއްދި ފަރާތަކަށެވެ. ނޫންނަމަ އަޅުގަނޑުގެ އެ ޅަވިސްނުމާށާއި ޝައުގުވެރިކަމަށް މަތީތައުލީމް ގެނުވި މެދުވެރިއަކަށެވެ. މިއަދު އަޅުގަނޑު މިއިނީ ފޯނު އެކަނި ކޮށްޓާކަށެއްނޫނެވެ. ކިޔެވުމަށް އެހީތެރިވި މީހުންނަށް ޝުކުރުގެ މެސެޖުވެސް ފޮނުވާށެވެ. އެހެނެއްކަމަކު ފޯންބޫތުތަކަށްވެސް ޝުކުރިއްޔާއެވެ.

އިންސާނުން ތަފާތު ކަންކަމުގައި ޝުކުރު އަދާކުރާނީ އެކިފަރާތްތަކަށެވެ. ފާހަގަކުރާނީ އެކި މީހުންގެ ނަންނަމެވެ. އަޅުގަނޑަށް މިއަދު މިއުޅެނީ ފޯނުބޫތަކުން ނުނެއްޓިގެންނެވެ. ނައްޓަން ބޭނުމެއްވެސްނެތެވެ. ހަމަ އަދިވެސް ބޭނުމީ އެއްފަހަރުނަމަވެސް ފޯންބޫތަކުން ކޯލްއެއް ކޮއްލުމަށެވެ. އަދި ބުނަންއޮތީވެސް އެއީ ހާދަހާވާ ހިދުމަތްތެރި ފޯންބޫތުތަކެކެވެ. އަދި ހިތަށް އަރަނީ އެ ފޯނުތައް ގުޅުވާލަދިނީ ދުރުގަތިބި ކިތަށް އާއިލާތޯވެ. ގުޅުވާލަދިނީ ދުރުގައި ތިބި ކިތަށް އުންމީދު ގެއްލިފާތިބި ލޯބިވެރިންނަށް ތޯއެވެ. ހިނާރުވެފައި ތިބި ކިތަށް މީހުންބާއެވެ.