ބޯޓިންގ އެސޯސިއޭޝަންގެ ރައީސްކަމަށް އަފްރާހު އައްޔަންކޮށްފި

ނޭޝަނަލް ބޯޓިންގ އެސޯސިއޭޝަން އޮފް މޯލްޑިވްސް (އެންބީއޭއެމް)ގެ ރައީސްކަމުގެ މަގާމަށް އަހުމަދު އަފްރާހު އިންތިޚާބުކޮށްފިއެވެ.

މީގެ ކުރިން ލިވްއަބޯޑް އެސޯސިއޭޝަން ނަމުގައި ހިންގި މި ޖަމްއިއްޔާގެ ރައީސްކަމަށް އަފްރާހު އިންތިޚާބުކޮށްފައިވަނީ އުނިމާ ގްެރޭންޑް ހޮޓެލްގައި މިއަދު ބޭއްވި އަހަރީ އާންމު ޖަލްސާގައެވެ. އަފްރާހަކީ އެ އެސޯސިއޭޝަންގެ އެކްޒެެކެޓިވް ބޯޑުގެ މެންބަރުކަންވެސް އަދާކުރައްވާފައިވާ ފަރާތެކެވެ.

އޭނާ މި މަގާމަށް އައިސްފައިވަނީ ކެނޮޕަސް މޯލްޑިވްސްގެ ފަރާތުންނެވެ. މިއަދު ބޭއްވި އަހަރީ އާންމު ޖަލްސާގައި ވަނީ އެ އެސޯސިއޭޝަންގެ މެނޭޖްމަންޓް ބޯޑާއި އެގްޒެކެޓިވް ބޯޑުގެ މެންބަރުން ހޮވާފައެވެ. މިގޮތުން މެނޭޖްމަންޓްއަށް ހޮވުނު ފަރާތްތަކަށް ދެ އަހަރު ދުވަހުގެ މުއްދަތެއް ލިބޭއިރު، އެގްޒެކެޓިވް ބޯޑުގެ މެންބަރުންނަށް ލިބެނީ އެއް އަހަރުގެ ދައުރެކެވެ.

މެނޭޖްމަންޓް ބޯޑަށް ހޮވުނު ފަރާތްތަކަކީ:

ރައީސް: އަހްމަދު އަފްރާހު، ކެނޮޕަސް މޯލްޑިވްސް

ނައިބު ރައީސް: އިސްމާއިލް ހަމީދު، ފްލޯޓިން އޭޝިޔާާ

ޓްރެޝަރާ: އަބްދުﷲ އިބްރާހިމް، ސެއިލިން ޓުއާސް

ސެކްރެޓަރީ ޖެނެރަލް: މުހައްމަދު އިގްނާޒް އަލީ، ސެއިލް އޭޝިޔާ

އެގްޒެކެޓިވް ބޯޑަށް ހޮވުނު ފަރާތްތަކަކީ:

އާމިރު މަންސޫރު، ކާޕެޑިއެމް މޯލްޑިވްސް

އަބްދުﷲ ޒުބައިރު އާދަމް، ބްލޫ ހޮރައިޒަން

ޝަރުދާ އަބްދުލް ގަފޫރު، ވޮޔޭޖަސް މޯލްޑިވްސް

އިބްރާހިމް ޝާހިދު، ބްލޫ ކޭ ސަފާރީ

މަރިޔަމް މާއިޝާ، ހައިރައިސް ޕްރައިވެޓް ލިމިޓެޑް

މުހުތާރު ހަސަން، މުނި ޓްރެވަލްސް

އަހްމަދު އިބްރާހިމް، ނޫ ރަނި ޓްރެވަލްސް

ހުސައިން އަމަން، ދަ ހޯކްސް

ބްރިގޭޑިއާ ޖެނެރަލް ރިޓަޔާޑް އަލީ ޒުހައިރު، ރޭޑިއަންޓް ހީޓް ޓްރެވަލްސް