ކުޑަކުދީންތަކެއްގެ “ނާޖައިޒު” މަންފާ ނެގުމުގެ ތުހުމަތަށް ޕްރެޒެންޓަރު ނާއްޕެއާ އިތުރު ބަޔަކު ހައްޔަރު ކޮށްފި
ލިޔުންތެރިޔާ
ސްޓާފް ރައިޓަރ
ކުޑަކުދީންތަކެއްގެ “ނާޖައިޒު” މަންފާ ނެގުމުގެ ތުހުމަތަށް ބަޔަކު ހައްޔަރު ކޮށްފި އެވެ.
މި މައްސަލާގައި ހައްޔަރުކުރި މީހުންގެ ވަނަވަރު ވެސް ވަނީ އާންމުކޮށްފަ އެވެ. ފުލުހުން ބުނީ އެ މީހުން ހައްޔަރު ކޮށްފައިވަނީ މާލޭގެ ހެންވޭރުގައި ހުރި ގެއެއް ބަލާ ފާސްކުރުމަަށް ފަހު ކަމަށެވެ. އެ ތަނުން މަސްތުވާތަކެތި ކަމަށް ބެލެވޭ އެއްޗެހި ފެނުނު ކަމަށާ އެ މީހުން މަސްތުވާތަކެއްޗަށް ޕޮޒިޓިވްވެެސް ވި ކަމަށެވެ.
މި މައްސަލާގައި އަނިޔާ ލިބުނީ 17 އަހަރުގެ ދެ އަންހެން ކުދީންނާއި 17 އަހަރުގެ ފިިރިހެން ކުއްޖަކާއި 16 އަހަރުގެ ފިރިހެން ކުއްޖަކަށް ކަމަށް ވެސް ފުލުހުން ބުންޏެވެ.
މި މައްސަލައިގެ ތުހުމަތަށް ހައްޔަރުކޮށްފައި ވަނީ ވ. ރަކީދޫ, ސިލްވަސްޓާ ނާފިއު ރަޝީދު އާއި މ. އެތުމާ، އަލީ އަޝްރަފް އާއި ހ. ފިނިކުރި، އިބްރާހިމް ޝިނާން އަހްމަދުގެ އިތުރުން ގދ. ވާދޫ، ޕެރިސް، ލުހާން ސައީދު އެވެ.
ފުލުހުން ބުނީ އެ މީހުންގެ ބަންދާއިމެދު ގޮތް ނިންމަން ކޯޓަށް ހާޒިރުކުރުމުން ތިން ދުވަހުގެ ބަންދުގެ މުއްދަތެއްް ދީފައިވާ ކަމަށެވެ.
މި މައްސަލަ ފުލުހުން ގެންދަނީ އިތުރަށް ތަަހުގީގު ކުރަމުން ކަމަށް ވެސް ބުންޏެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
