ބިކިނީލުން މަނާކުރާ ބޯޑުތައް އިތުރުކުރާނަން: އެޗްޑީީސީ
ހުޅުމާލޭގައި އާންމުން މޫދަށް އެރޭ ސަރަހައްދުގައި ފަތުރުވެރިން ބިކިނީ ލައިގެން މޫދަށް އެރޭ މައްސަލަ ހައްލުކުރުމަށް އިތުރު ބޯޑުތަކެއް ހަރުކުރާނެކަމަށް އެޗްޑީސީން ބުނެފިއެވެ.
ވޮއިސްއިން ދެންނެވި ސުވާލަކަށް ޖަވާބުދެއްވަމުން އެޗްޑީސީގެ އޮފިޝަލަކު ވިދާޅުވީ އާންމުން މޫދަށް އެރި އުޅޭ ސަރަހައްދުގައި ސްވިމްސޫޓާއި ބިކިނީ ލައިގެން އެރިއުޅުން މަނާކަން އަންގައިދޭ ބޯޑުތައް އިތުރުކުރުމަށް ނިންމާފައިވާކަމަށެވެ.
އަދި އެކަން ކުރުމަށް ކުރަންޖެހޭ ކަންކަން ޕްލޭންކުރަމުން އަންނަކަމަށް އޮފިޝަލް ވަނީ ވިދާޅުވެފައެވެ.ފަހަކަށް އައިސް ހުޅުމާލޭގައި ފަތުރުވެރިން ބިކިނީގައި އާންމު ބީޗަށް މޫދަށް އެރޭ މައްސަލަ ވަނީ ބޮޑުވެފައެވެ.
ދާދިފަހުން ފުލުހުން އެގޮތަށް އަމަލުކުރަމުންދިޔަ ފަތުރުވެރިއަކަށް ނަސޭހަތްދިން ވީޑިޔޯއެއްވެސް ވަނީ އާންމުވެފައެވެ.
ފާހަގަކޮށްލެވޭ ގޮތުގައި ހުުޅުމާލޭގައި ވަކިން ފަތުރުވެރިން މޫދަށް އެރޭނެ ސަރަހައްދެއް އޮވެއެވެ. އެހެންނަމަވެސް ގެސްޓްހައުސްތަކުން ފަތުރުވެެރިންނަށް މައުލޫމާތު ނުދިނުމުގެ ސަބަބުން އެފަރާތްތަކުން އާންމު ބީޗް ބޭނުންކުރެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
