އެމްޑީޕީއަށް ސުޕަރ މެޖޯރިޓީ ދިނީ ބަޔަކު ލާދީނީއޭ ކިޔަމުން ދަނިކޮށް- ނަޝީދު
ރައްޔިތުން އެމްޑީޕީއަށް ސުފަރ މެޖޯރިޓީ އިދިކޮޅު ފަރާތްތަކުން ލާދިނީ ކިޔައިގެން ވާހަކަދައްކަވަމުން ދަނިކޮށް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު ވިދާޅުވީ ދިވެހިންގެ ހިތްތަކުގައި އަބަދުވެސް އެންމެ މަތީ މަގާމެއް ދެވިފައިވަނީ މާތްވެގެންވާ އިސްލާމްދީނަށް ކަމަށާއި އިދިކޮޅު ފަރާތްތަކުން އެވާހަކަދައްކަނީ އެބޭފުޅުންގެ އެޖެންޑާއެއް އަދި ސިޔާސަތެއް ވެސް ނެތުމުގެ ސަބަބުން ކަމަށް ނަޝީދު ވިދާޅުވިއެވެ.
އަދި އިދިކޮޅު ފަރާތްތަކުން ރައްޔިތުންނާއި ހަމަޔަށް ފޯރުކޮށްދޭނެ އެއްވެސް ސިޔާސަތެއް ނެތުމުގެ ސަބަބުން އެބޭފުޅުން ގެންދަވަނީ ދީން ހަތިޔާރަކަށް ބޭނުންކުރަމުން ކަމަށް ރައީސް ނަޝީދު ވަނީ ވިދާޅުވެފައެވެ. އަދި އެއީ އެމްޑީޕީ ބަދުނާމް ކުރަން އިދިކޮޅު ފަރާތްތަކުން ދައްކަމުން އަންނަ ދޮގުވާހަަކަތަކެއް ކަމަށާއި އެފަދަ ވާހަކަތަކެއް އެއްވެސް ބަޔަކު ދައްކައިގެން ނުވާނެ ކަމަށް ނަޝީދު ވިދާޅުވިއެވެ.
އަދި އެމްޑީޕީއަކީ ކުރިންވެސް އަދި ކުރިއަށް އޮތް ތާނގައިވެސް އިސްލާމްދީނާއި ޚިލާފު ކަންތައްތައް ކޮށްފައިވާ ޕާޓީއެއް ނޫން ކަމަށާއި، އަދި އިސްލާމްދީން ނޫން އެހެން ދީނެއް މިގައުމަށް ގެންނަން އެމްޑީޕީން ދުވަހަކުވެސް މަސައްކަތް ނުކުރާނެ
ކަމަށް ނަޝީދު ވަނީ ވިދާޅުވެފައެވެ. އަދި އެމްޑީޕީން އަބަދުވެސް މަސައްކަތް ކުރާނީ މިގައުމުގައި އިސްލާން ދީން ހިމާޔަތްކުރުމަށް ކަމަށް ނަޝީދު ވަނީ ވިދާޅުވެފައެވެ.
ރާއްޖެއިން ސީރިއާއަށް އެތައް ބަޔަކު ގޮސްފައިވާކަމަށާއި، އަދި އޭގެ ތެރެއިން ގިނަ ބަޔަކު މަރުވެފައިވާއިރު އެތައް އަންހެނުންނެއް ހާލުގައި ޖެހިފައިވާ ކަަމަށް ނަޝީދު ވިދާޅުވިއެވެ. އަދި އެމީހުން ވެސް ރާއްޖެއިން ސީރިއާއަށް ގެންގޮސްފައިވަނީ އިސްލާމްދީނުގެ ނަމުގައި ކަމަށް ނަޝީދު ވިދާޅުވިއެވެ. އަދި އެކަމާއި އެމްޑީޕީން ޚިލާފުވުމުން ދީނާއި ޚީލާފުވަނީ ކަމަށް ބަޔަކު ބުނަމުން އަންނަ ކަމަށާއި އޭނާއަކީ އެއްވެސް ހާލަތެއްގައި ދީނާއި ޚީލާފު ބޭފުޅެއް ނޫން ކަމަށް ނަޝީދު ވަނީ ވިދާޅުވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
