އަރުނިމާ ސިންހާގެ ދިރިއުޅުމުގެ މައްޗަށް އުފައްދާ ފިލްމުގައި އާލިއާ!

އަރުނިމާ ސިންހާ ދިރިއުޅުމުގެ މައްޗަށް އުފައްދާ ފިލްމުގައި ފެނިގެންދާނީ އާލިއާ ބަޓްކަމަށް ރިޕޯޓްތައް ބުނެފިއެވެ.

އާރުނިމާ އަކީ އެކްސިޓެންޑެއްގައި އޭނާގެ ފަޔަށް ލިބުނު އަނިޔާގެ ސަބަބުން ފައި ބުރިކޮށް އާރޓިފިޝަލް ފައެއްގެ އެހީގައި ދިރިއުޅެމުން ދިޔަ މީހެކެވެ. އޭނާގެ އެކުސިޑެންޓްގެ ކުރިން އޭނާ އަކީ އިންޑިއާގެ ނޭޝަނަލް ލެވެލްގައި ވޮލީބޯޅަ ކުޅުނު ތަރިއެކެވެ. އޭގެ ފަހުން ވޮލީ ނުކުޅުނު ނަމަވެސް އޭނާވަނީ ދުނިޔޭގެ ހުރިހާ ކޮންޓިނެންޓެއްގެ އެންމެ އުސްތަނެއްގައި އިންޑިއާގެ ދިދަ ހަރުކުރުމަށް އަޒުމުކަނޑައަޅާފައެވެ.

އެގޮތުން އޭނާވަނީ ދުނިޔޭ ހަތަނެއްގައި އިންޑިއާގެ ދިދަ ނަގާފައެވެ. އޭނާ އެންމެ ބޮޑަށް ފާހަގަވެގެން ދިޔައީ މައުންޓް އެވަރެސްޓަށް އާރޓިފިޝަލް ގުނަވަނެއްގެ އެހީގައި އެރި މީހާގެ ލަގަބާއެކުގައެވެ. އޭނާގެ ހިތްވަރު އިންޑިއާގެ ސަރުކާރުން ފާހަގަކޮށް އެވޯޑްތައްވެސް ދީފައިވާކަމަށްވެސް އިންޑިއާގެ ނޫސްތަކުގައިވެއެވެ.

އޭނާގެ ދިރިއުޅުމުގެ މައްޗަށް ފިލްމެއް އުފައްދަން ކަރަންޖޯހަރުގެ ދަރުމާ ޕްރޮޑްކްޝަންއާއި ޑަރު މޯޝަން ޕިކްޗާރސް ގުޅިގެން މަސައްކަތް ކުރަމުން އަންނަ އިރު އެ ފިލްމުގައި ފެނިގެންދާނީ އާލިއާ ބަޓް ކަމަށް އިންޑިއާގެ ނޫސްތަކުގައިވެއެވެ.

އެފިލްމު ކުޅެން އާލިއާ އެއްބަސް ވެފައިވާކަން ކަށަވަރު ވެފައި ނުވާއިރު މިހާރުވެސް އޭނާ އަންނަނީ ގިނަ ފިލްމުތަކެއްގައި މަސައްކަތް ކުރަމުންނެވެ. އޭގެ ތެރޭގައި ކަލަންކް، ބްރަހަމްސްތްރާ، ސަޅަކު2، އަދި ތަޚުތު ހިމެނެއެވެ.