މިދިޔަ ހަފްތާގައި މާލޭ ވިޔަފާރި ބަނދަރުން އެންމެގިނައިން ކްލިއަރ ކުރި އެއްޗަކީ ބިސް

މިދިޔަ ހަފްތާ ނިމުނުއިރު މާލޭ ވިޔަފާރި ބަނދަރުން އެންމެގިނައިން ކްލިއަރކޮށްފައިވަނީ ބިހާއި ފިޔާކަމަށް އެމްޕީއެލްގެ ތަފާސްހިސާބުތަކުން ދައްކައިފިއެވެ.

އެމްޕީއެލުން އާއްމުކޮށްފައިވާ ތަފާސްހިސާބުތަކަށް ބަލާއިރު، މިދިޔަ ހަފްތާގެ ތެރޭގައި ވިޔަފާރި ބަނދަރަށް 1314 ކޮންޓެއިނަރ ބޭލިއިރު އޭގެ ތެރޭގައި އެންމެގިނައިން ހިމެނޭ ބާވަތްތަކަކީ، ބިސް، ފިޔާ، ކަރާ، އަލުވި އަދި ޓޮމާޓޯގެ އިތުރުންވެސް ތަރުކާރީ އާއި މޭވާގެ ބާވަތްތައް ހިމެނެއެވެ.

ޖުލައިމަހުގެ 27 ވަނަ ދުވަހުން ފެށިގެން އޮގަސްޓްމަހުގެ ދެވަނަ ދުވަހުގެ ނިޔަލަށް މާލޭ ވިޔަފާރި ބަނދަރުން ކޮންޓެއިނަރ 2 ބޯޓަކަށާއި، ޖެނެރަލް ކާގޯ 6 ބޯޓަކަށް ވަނީ ހިދުމަތްދީފައެވެ. މި ބޯޓުތަކުން ގެނައި ޮންޓެއިނަރތައް ކްލިއަކޮސްފައިވާއިރު، އެންމެގިނައިން ހިމެނެނީ ކާބޯތަކެތީގެ ތެރޭގައި ހިމެނޭ ބާވަތްތަކުގެ ތެރެއިން ދިވެހިންގެ ދިރިއުޅުމުގައިވެސް އެންމެ ގިނައިން ބޭނުންކުރާ ތަކެއްޗެވެ.

ވިޔަފާރި ބަނދަރަށް އެންމެގިނައިން ބޭލި މުދާ

- 16،988 ކޭސް ބިސް

- 13،096 ބަސްތާ ފިޔާ

- 7،437 ބަސްތާ ކަރާ

- 5،538 ބަސްތާ އަލުވި

- 3،888 ކޭސް ޓޮމާޓޯ

މޫސުން ގޯސްވުމުގެ ސަބަބުން މިދިޔަ ދުވަސްތަކުގައި ވިޔަފާރި ބަނދަރުގައި އޮތް ބޯޓުތަކުން މުދާ ބޭލުމުގައި ކޮންމެވެސްވަރެއްގެ ދަތިތައް ކުރިމަތިވުމުން މާލޭ ބާޒާރުން ފިޔާ ލިބުންދަތިވެ، އަގުތައް އުފުލުނެވެ. ނަމަވެސް ވިޔަފާރި ބަނދަރުން ފިޔާބަސްތާތައް ބޭލުމާއެކު 75 ރުފިޔާއަށް އުފުލުނު ފިޔާ ކިލޯގެ އަގު ވަނީ 20 ރުފިޔާއަށް ތިރިވެފައެވެ. މިހާރު ބާޒާރުން 18 ރުފިޔާއަށް ފިޔާ ކިލޯއެއް ލިބެންހުރިކަން ފާހަގަކޮށްލެވެއވެެ.