ޓީމް އޮތީ ބަދަހިކޮށް، މުއިއްޒު ދުވެލީގައި ގައުމު ދާނީ ކުރިޔަށް: އަބްދުއްރަހީމް

ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ ޓީމް އޮތީ ބަދަހިކޮށް، ކަމަށް ސްޕެޝަލް އެޑްވައިޒަރ ޓު ދަ ޕްރެސިޑެންޓް އަބުދުއްރަހީމް އަބްދުالله ވިދާޅުވެއްޖެއެވެ.

އަދުރޭ ކުރެއްވި އެކްސް ޕޯސްޓުގައި ވިދާޅުވީ، ރައީސް ޑރ.މުޢިއްޒުގެ ވެރިކަމުގެ ފުރަތަމަ ދުވަހުން ފެށިގެން ދިވެހީންގެ ކުރިމަތީގައި އެ މަނިކުފާނުގެ އަގު ވައްޓާލައި އިތުބާރު ގެއްލުވާލުމަށް ކެނޑިނޭޅި ޙަގީގަތާ ޚިލާފު ދޮގު ވާހަކަތައް ފަތުރަމުން ދިޔަ ކަމަށެވެ.

އެހެންނަމަވެސް، އެ މަނިކުފާނަށް ރައްޔިތުންގެ ފުރިހަމަ ތާއީދާ އިތުބާރު އެބަ އޮތްކަން ނިމިދިޔަ މަޖިލިސް އިންތިޚާބުގައި ދިވެހީންނުކުމެ ސާބިތުކޮށްދެއްވާފައިވާ ކަމަށްވެސް އަދުރޭ ވިދާޅުވިއެވެ.

އެކަން ބަލައި ނުގަނެވިގެން އެ މަނިކުފާނުގެ ޓީމު ރޫޅާލުމަށް އިތުރަށް ފަތުރާ ދޮގު ޚަބަރުތަކުން، އިންޝާالله އެ ފަދަ ޚަބަރުތައް ފަތުރާ ފަރާތްތައް ފަޟީޙަތްވުންނޫން އިތުރުކަމެއް ޙާޞިލެއްނުވާނެ. ރައީސް ޑރ.މުޢިއްޒާއެކު ޓީމު އޮތީ ބަދަހިކޮށް. ދިވެހީންދާނީ މުޢިއްޒު ދުވެލީގައި ގައުމައިގެން ކުރިޔަށް

އަބްދުއްރަހީމް

މީގެ އިތުރުންވެސް އަދުރޭ ކުރެއްވި އިތުރު އެކްސް ޕޯސްޓެއްގައި އޭނާވަނީ ރައީސް މުއިއްޒު ސައުދީ ރަސްގެފާނުގެ މެހުމާންދާރީގައި އުމްރާއަށް ވަޑައިގެންނެވުމަކީ ބަޔަކު މީހުން ހަސަދަވެރިވާންވީ ސަބަބެއް ނޫންކަމަށް ވިދާޅުވެފައެވެ.

އަދި އެއީ މީ ދިވެހީން އުފާކުރަންވީކަމެއް ކަމަށާ، މީހަކާ މެދު ހަސަދަވެރި ވިޔަސް ހަގީގަތާ ކުރިމަތިލުމުގެ ހިތްވަރު ހުންނަންވާނެ ކަމަށެވެ.

އަދުރޭ މިފަދައިން ވިދާޅުވެފައި މިވަނީ ރައީސް މުއިއްޒުގެ ސައުދީ ދަތުރުފުޅާއި ގުޅިގެން އިދިކޮޅު ބައެއް ފަރާތްތަކުން އެކި ވާހަކަތައް ފަތުރަމުންދާ ދަނޑިވަޅެއްގައެވެ.