ޚިޔާނާތުގެ ފައިސާ ހިނގަމުންދާ މަޖިލީހުގެ 16މެންބަރަކަށް ލިބުނު!
އެމްއެމްޕީއާރްސީގެ ޚިޔާނާތުގެ ފައިސާ މިހިނގަމުންދާ 19ވަނަ ރައްޔިތުންގެ މަޖިލީހުގެ މެންބަރުންތަކަކަށް ލިބިފައިވާާކަމަށް ހާމަކޮށްފިއެވެ.
މިކަން ހާމަކޮށްފައިވަނީ އެމްއެމްޕީއާރްސީގެ ޚިޔާނާތާއި ގުޅޭގޮތުން ފުލުހުންނާއި، އޭސީސީއާއި އެސެޓް ރިކަވަރީ ކޮމިޝަނުން ބޭއްވި ނޫސްވެރިންގެ ބައްދަލުވުމެއްގައެވެ.
މި ބައްދަލުވުމުގައި ވާހަކަފުޅު ދައްކަވަމުން އެސިސްޓަންޓް ކޮމިޝަނަރ އޮފް ޕޮލިސް މުހައްމަދު ރިޔާޒް ވިދާޅުވީ އެމްއެމްޕީއާރްސީގެ ޚިޔާނާތުގެ ފައިސާއިން ރައްޔިތުންގެ މަޖިލީހުގެ މެންބަރުންނަށްވެސް މަންފާކޮށްފައިވާ ކަމަށެވެ. އެގޮތުން ގާނޫނު އަސާސީއަށް ބޮޑެތި ބަދަލުތައް ގެނެވުނު ވޯޓުތަކަށާއި، މަޖިލީހުގެ ރައީސް ހޮވުމާއި މެންބަރުން ޕާޓީ ބަދަލުކުރުމަށް އެފައިސާ ބޭނުންކުރިކަމަށް އެބޭފުޅާ ހާމަކުރެއްވިއެވެ.
އޭސީޕީ ރިޔާޒް ވިދާޅުވީ ކުރީގެ ރައްޔިތުންގެ މަޖިލީހުގެ 44 މެންބަރަކަށް ޚިޔާނާތުގެ ފައިސާ ލިބިފައިވާކަމަށާއި އަދި އޭގެ ތެރޭގައި މި ހިނގާ މަޖިލީހުގެ 16 މެންބަރަކުވެސް ހިމެނޭކަމަށެވެ.
ރިޔާޒް ވިދާޅުވި ގޮތުގައި އެމްއެމްޕީއާރްސީގެ ޚިޔާނާތުގެ ފައިސާ ލިބުނު މީހުންގެ އަދަދު 267 މީހުންނަށް އިތުރުވެފައިވާކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
