ޕީއެންސީ އެތެރޭގެ އިންތިހާބު: 2500 އަށްވުރެ ގިނަ ކެނޑިޑޭޓުން ވާދަކުރޭ

ވެރިކަންކުރާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ކުރިއަށްއޮތް އެތެރޭގެ އިންތިހާބުގައި 2500 އަށްވުރެ ގިނަ ކެނޑިޑޭޓުން ވާދަކުރާނޭކަމަށް އެޕާޓީން ބުނެފިއެވެ.

އިންތިހާބަށް ތައްޔާރުވުމުގެ ކަންކަން ކުރިއަށް ގޮސްފައިވާ ހިސާބާ ގުޅޭގޮތުން ނޫސްވެރިންނާ މައުލޫމާތު ހިއްސާކުރަމުން ޕީއެންސީގެ ތަރުޖަމާނު މުހައްމަދު ފިރުޒުލް އަބްދުﷲ ޚަލީލް ވިދާޅުވީ، އިންތިހާބުގައި ވާދަކުރުމަށް ކުރިމަތިލުމުގެ މުއްދަތު ހުސްވި ޖޫންމަހުގެ 30 ވަނަ ދުވަހުގެ ނިޔަލަށް ހަމަވިއިރު، ވަރަށް ގިނަ އަދަދެއްގެ މެމްބަރުން ކުރިމަތިލާފައިވާކަމަށެވެ. އެގޮތުން އެކި މަގާމްތަކަށް 2500 އަށްވުރެ ގިނަ ކެނޑިޑޭޓުން ކުރިމަތިލާފައިވާކަން ފިރްޒުލް ފާހަގަކުރެއްވިއެވެ.

ފިރްޒުލް ވިދާޅުވީ އިންތިހާބަށް ތައްޔާރުވުމުގެ ކަންކަން ހަމަޖެހިފައިވާ ގޮތަށް ކުރިއަށްދާ ކަމަށާއި، އެހާގިނަ އަދަދެއްގެ މެމްބަރުން ކުރިމަތިލުމަކީ ޕާޓީގެ ކަންކަން ކުރިއަރުވަން ކުރާ މަސައްކަތްތަކަށް ލިބިގެންދާ ވަރަށްބޮޑު ކުރިއެރުމެއްކަމަށެވެ.

އިންތިހާބުގައި ވާދަކުރުމަށް މެމްބަރުން ލިޔެކިޔުންތައް ހުށަހަޅާފައިވަނީ އެކަމަށް ތައްޔާރުކޮށްފައިވާ ހާއްސަ ޕޯޓަލް މެދުވެރިކޮށެވެ. ޕީއެންސީގެ އިންތިހާބު 131 ރަށުގެ ދާއިރާގައި ކުރިއަށްދާއިރު، މި އިންތިހާބު ވާދަވެރި އިންތިހާބެއްގެ ގޮތުގައި ކުރިއަށްދާތަން ފެނިެގންދާނޭކަމަށް ފިރުޒުލް ވިދާޅުވިއެވެ. އިންތިހާބުގެ ވޯޓާސް ލިސްޓް އާއްމުކުރެވިގެންދާނީ، އިލެކްޝަން ކޮމިޝަނުގައިވާ ކޮންގްރެސް ޕާޓީގެ ދަފްތަރުގެ މައްޗަށް ބިނާކޮށްކަމަށްވެސް ފިރްޒުލް ފާހަގަކުރެއްވިއެވެ.

ވޯޓާސް ލިސްޓް އަޅުގަނޑުމެން ދެގޮތަކަށް އެބަ އާއްމުކުރަން. އެއްގޮތަކީ އެއީ، ކުރިމަތިލެއްވި ކެންޑިޑޭޓުންނަށް، ކެންޑިޑޭޓް ޕޯޓަލްގެ ތެރެއިން އެ ކެންޑިޑޭޓަކު ނިސްބަތްވެވަޑައިގަންނަވާ ދާއިރާގެ ވޯޓާސް ލިސްޓް ލިބިވަޑައިގަންނަވާނެ. އަދި ހަމަ އެހެންމެ ޕާޓީ ވެބްސައިޓުން

ފިރްޒުލް

ވޯޓާސް ލިސްޓް އާއްމުކުރުމާއެކު ލިސްޓަށް ޝަކުވާ ހުށަހެޅުމުގެ ފުރުސަތު ދިނުމަށް ނިންމާފައިވަނީ، ޕޯޓަލްގެ ޕޯތަލް މެދުވެރިކޮށެވެ. ވޯޓާސް ލިސްޓްގެ އިތުރުން ކެނޑިޑޭސީއާ ގުޅުންހުރި ޝަކުވާތައްވެސް ޕޯޓަލް މެދުވެރިކޮށް ހުށަހެޅޭނެއެވެ.

އިންތިހާބުކުރެވޭ މަގާމުތައް:

- ދާއިރާގެ ރައީސުން

- ދާއިރާގެ ނައިބުރައީސް

- އަންހެނުންގެ ހަރަކާތުގެ ރައީސުން

- ޒުވާނުންގެ ހަރަކާތުގެ ރައީސުން

- ސްޓިއަރިން ކޮމިޓީގެ މެންބަރުން

ޕީއެންސީގެ އެތެރޭގެ އިންތިހާބްގެ ވޯޓުލުމަށް ރަޖިސްޓްރޭޝަނަށް މިއަދު ހުޅުވާލާނޭކަމަށް އެޕާޓީން ވަނީ ބުނެފައެވެ. ޕާޓީގެ އެތެރޭގެ އިންތިހާބު ވޯޓު ނަގައިގެން ކެނޑިޑޭޓަކު އިންތިހާބުކުރަންޖެހޭ ހުރިހާ ރަށެއްގައި ކުރިއަށްދާނޭކަމަށް އެޕާޓީން ބުނެއެވެ.