މޯލްޑިވިއަންގެ ޕްރޮމޯޝަނަލް ފެއަރގެ ދަށުން އިތުރު 6 މަންޒިލަށް ޓިކެޓް އަގުހެޔޮ ކޮށްފި

މި ރޯދަމާއި ދިމާކޮށް ގައުމީ އެއާލައިން، މޯލްޑިވިއަން އިން ފެށި ޕްރޮމޯޝަނަލް ފެއަރ ގެ ދަށުން އިތުރު ހަ މަންޒިލަކަށް ޓިކެޓް އަގުހެޔޮކޮށްފިއެވެ.

މޯލްޑިވިއަނުން ބުނީ އިތުރު ހަ މަންޒިލަކަށް އާދިއްތައިން ފެށިގެން އަގުހެޔޮ ޓިކެޓްގައި ދަތުރު ކުރެވޭނެ ކަމަށެވެ.

އެގޮތުން މޯލްޑިވިއަނުން ފަހުން ޓިކެޓް އަގުހެޔޮ ކޮށްފައިވަނީ؛

މާވަރުލު - 1،155ރ

ފަރެސްމާތޮނޑާ - 1،133 ރ.

ހޯރަފުށި -1،133 ރ.

ކުޅުދުއްފުށި - 1،111 ރ.

ތިމަރަފުށި - 1،111 ރ.

ފުނަދޫ - 1،055 ރ. އެވެ.

މި އަގު ތަކަކީ އެއްކޮޅު ޓިކެޓްގެ އަގެވެ.

މޯލްޑިވިއަންގެ މި ޕްރޮމޯޝަނަލް ފެއާގެ ދަށުން އެންމެ ފުރަތަމަ ޓިކެޓް އަގުހެޔޮކުރި 8 މަންޒިލަކީ؛

ސ. ގަމަށް - 1،222ރ.

ފުވައްމުލައް - 1،155ރ.

ގދ. ކާޑެއްދޫ - 1،333ރ.

ގއ. ކޫއްޑޫ - 1،111 ރ.

ލ. ކައްދޫ - 1،055ރ.

ނ. މާފަރު - 999ރ

ރ. އިފުރު - 999ރ.

ހދ. ހަނިމާދުއަށް - 1،111ރ. އެވެ.

މި އަގުތަކަކީވެސް އެއްކޮޅު ޓިކެޓުގެ އަގެވެ.

މޯލްޑިވިއަން އިން ބުނެފައިވާ ގޮތުގައި މޯލްޑިވިއަންގެ ވެބްސައިޓް އަދި އެޕް މެދުވެރިކޮށް ޓިކެޓް ނަގާ ބުކް ކުރެވޭނެއެވެ. އަދި މޯލްޑިވިއަން އޮފީސް މެދުވެރިކޮށްވެސް ޓިކެޓް ނެގުމުގެ ހިދުމަތް ލިބިގެން ދާނެ ކަމަށް ބުނެފައިވެއެވެ.

މޯލްޑިވިއަނުން ބުނީ ފެއަރގެ އަގުތަކަށް މިގެނެވުނު ބަދަލާއެކު ދަތުރުފަތުރުކުރުމުގައި ޢާއްމުންނަށް ބޮޑު ލުއިފަސޭހަކަމެއް ލިބިގެންދާނެކަމަށެވެ.  އަދި މޯލްޑިވިއަންގެ އަމާޒަކީ ޚިދުމަތް ފޯރުކޮށްދޭ ހުރިހާ މަންޒިލަކަށްވެސް ރައްކާތެރިކަމާއި އިތުބާރާއެކު އޯގާތެރި ޚިދުމަތެއް ފޯރުކޮށްދިނުންކަމަށެވެ.