ފުލުހުން އަތުލައިގަތް ގިނަ އަދަދެއްގެ ސިނގިރޭޓް ނައްތާލައިފި
އޮޕަރޭޝަނެއްގައި ފުލުހުން އަތުލައިގަތް ގިނަ އަދަދެއްގެ ސިނގިރޭޓް ނައްތާލައިފިއެވެ.
ފުލުހުން ނައްތާލި މި ސިނގިރޭޓްތަކަކީ ހެންވޭރު އެޕާޓްމަންޓެއްގައި ގާނޫނާ ހިލާފަށް ސިނގިރެޓް އުފައްދަމުން ދިޔަ ތަނަކުން ފުލުހުން ހިފެހެއްޓި 4285 ސިނގިރެޓް ކާޓޫނާއި ދުންފަތެވެ. މިތަކެތި ނައްތާލާފައިވަނީ ދޫނިދޫގައެވެ. އިއްޔެ ނައްތާލި މި ތަކެތީގެ ތެރޭގައި ހިމެނެނީ 4285 ކާޓޫން ސިނގިރެޓާއި 232 ފޮށި ސިނގިރެޓްގެ އިތުރުން 93.60 ކިލޯގެ ދުންފަތެވެ.
ފުލުހުންގެ ބެލުމުގެ ދަށަށް މި ތަކެތި ގެނެސްފައި ވަނީ 30 ޖެނުއަރީ 2025 ގައި ހިންގި އޮޕަރޭޝަނެއްގައެވެ. އެ އޮޕަރޭޝަނުގައި ބަލައި ފާސްކުރީ ހެންވޭރު ގެއެއްގެ އެޕާޓްމަންޓެއްގައި އޮފީހެއްގެ ގޮތުގައި ބޭނުންކުރަމުން ދިޔަ ތަނެކެވެ
ފުލުހުންގެ ބެލުމުގެ ދަށަށް ގެނެވޭ މިފަދަ ތަކެތި ނައްތައިލުމުގައި ޢަމަލުކުރާ އުސޫލުގެ ދަށުން މި ތަކެތި ނައްތައިލީ އެ ކަމަށް ޓަކައި އެކުލަވައިލި ކޮމިޓީއެއްގެ ބެލުމުގެ ދަށުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
