ޗެމްޕިއަންސްލީގް ކޮލިފައިން މެޗްތައް ކުޅެން ޖެހިދާނެކަމުގެ ބިރު އެބައޮތް: ގާޑިއޯލާ

ކުރިއަށްއޮތް ޗެމްޕިއަންސް ލީގް ކޮލިފައިން މެޗްތައް ކުޅެންޖެހުމުގެ ބުރު މެންޗެސްޓަރ ސިޓީއަށް އެބައޮތްކަމަށް އެޓީމުގެ ކޯޗް ޕެޕް ގާޑިއޯލާ ބުނެފިއެވެ.

މިއަދު އިނގިރޭސި ޕްރިމިއާ ލީގްގައި އެވަޓަން އާ ދެކޮޅަށް ނިކުތުމުގެ ކުރިން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަމުން ގާޑިއޯލާ ބުނީ، މެދުނުކެނޑި ޗެމްޕިއަންސްލީގް 12 ނުވަތަ 13 އަހަރުކުޅުނު އެއް ޓީމަކީ ހަމަ ޔަގީނުންވެސް ސިޓީކަމަށާއި، އެހެންނަމަވެސް ކުރިއަށްއޮތް ޗެމްޕިއަންސްލީގުގައި ކޮލިފައިނަށް ނުގޮސް ކުޅެވިދާނޭކަމުގެ ޝައްކު މިއަދު އެބައޮތްކަމަށެވެ. ނަމަވެސް އެހެންނުވާނޭކަމުގެވެސް ވަރަށްބޮޑު ޔަގީންކަމެއް އޮތްކަމަށް ގަބޫލުކުރާކަމަށް ގާޑިއޯލާ ބުންޏެވެ.

އިނގިރޭސި ޕްރިމިއާ ލީގްގައި މެންޗެސްޓަރ ސިޓީ މިވަގުތު އޮތީ 27 ޕޮއިންޓާއެކު 7 ވަނާގައެވެ. ގާޑިއޯލާ ބުނީ، ޓާވަލް މިހާރު އޮތްގޮތުން ގިނަ މެޗްތަކަކުން މޮޅުވެ، ގިނަ ޕޮއިންޓް ހޯދުން ނޫންގޮތެއް ނެތްކަމަށެވެ. އެހެންނޫނީ ޗެމްޕިއަންސްލީގުގައި ކުޅުމުގެ ފުރުސަތެއް ނެތްކަމަށާއި، އެފުރުސަތު ނުލިބިއްޖެނަމަ އެއީ ސިޓީއަށް އެމަގާމު ހައްގުނުވުންކަމަށް ގާޑިއޯލާ ފާހަގަކުރިއެވެ.

ގާޑިއޯލާ ބުނީ މެޗްތަކަށް ތައްޔާރުވުމުގައި ޓީމަށް ގޮންޖެހުންތަކެއް އެބަހުރިކަމަށާއި، އެ ގޮންޖެހުންތައް ހައްލުވެގެން ނޫނީ ދިމާވެފައިވާ މައްސަލަތައް ހައްލުކުރެވެން ނެތްކަމަށެވެ. ލީގްގައި ވާދަވެރި ޓީމުތައް ހުރިކަން ފާހަގަކުރަމުން ގާޑިއޯލާ ބުނީ ކަންކަން ހުރިނަމަވެސް މަސައްކަތްކުރާނީ ކުރިއަށްހުރި މެޗްތަކުން މޮޅުވާން ކަމަށެވެ.

މި ސީޒަނުގައި ސިޓީގެ ނަތީޖާތައް ދަށްވެފައިވީނަމަވެސް އެޓީމުން ވަނީ ގާޑިއޯލާ އާއެކު ހަދާފައިވާ އެއްބަސްވުމުގެ މުއްދަތު އިތުރުކޮށްފައެވެ. އަލަށް ހެދި އެއްބަސްވުން ބުނާގޮތުން ގާޑިއޯލާ ސިޓީގައި އެއް އަހަރު މަޑުކުރުމަށް ވަނީ ހަމަޖެހިފައެވެ. މެންޗެސްޓަރ ސިޓީގެ ކޯޗްކަމާ ގާޑިއޯލާ ހަވާލުވީ 2016 ވަނަ އަހަރުއެވެ. ގާޑިއޯލާގެ ކޯޗްކަމުގެ ދަށުގައި އެ ކްލަބުން ވަނީ 16 މުބާރާތް ކާމިޔާބުކޮށްފައެވެ. ގާޑިއޯލާގެ އިރުޝާދުގެ ދަށުން މެންޗެސްޓަރ ސިޓީ ވަނީ ޕްރިމިއާ ލީގް 6 ފަހަރު އަދި ޗެމްޕިއަންސްލީގް އެއްފަހަރު ކާމިޔާބުކުރިއެވެ.