އަދާލަތު ޕާޓީގެ އުފެއްދި މަޤްސަދާއި އެއްގޮތަށް އަމަލު ނުކުރާތީ އިއްބެ ޕާޓީން ވަކިވެއްޖެ
އާދާލަތު ޕާޓީ އުފެއްދި މަޤްސަދާއި އެއްގޮތަށް އެޕާޓީން އަމަލު ކުރަމުން ނުގެންދާތީ މައްޗަން ގޯޅި މެދު ދާއީރާއަށް ވާދަކުރައްވާ ކެންޑިޑޭޓް އިބްރާހިމް މުހައްމަދު (އިއްބެ) އެ ޕާޓީން ވަކިވެއްޖެއެވެ.
ރައީސް އިބްރާހިމް މުހައްމަދު ސޯލިޙްގެ ސަރުކާރުގެ ކޯލިޝަންގައި ހިމެނެ އަދާލަތު ޕާޓީން ވަކިވިކަން އިއްބެ އެޕާޓީ އަށް އަންގާފައި ވަނީ މިއަދު ފޮނުއްވި ސިޓީއެއްގައެވެ.
އެ ސިޓީގައި އިއްބެ ވަނީ އަދާލަތު ޕާޓީ އުފެއްދި މަޤްސަދު ތަކުގެ ތެރޭގައި ދިވެހިރާއްޖޭގެ ދީނީ ތައުލީމު ކުރިއެރުވުން ހިމެނޭއިރު އެކަމާއި މެދު އެއްވެސް ކަމެއް ނުކުރެވޭކަން ފާހަގަކޮށްފައެވެ.
އަދި ފާއިތުވި މުއްދަތުގައި އަދާލަތު ޕާޓީގެ މެންބަރެއްގެ ގޮތުގައި ދެމިހުންނެވީ އިސްލާމުދީނަށް ހިދުމަތް ކުރުމަށް ވީވަރަކުން ބައިވެރިވުމަށް ކަމަށް އިއްބެ ވަނީ ބުނެފައެވެ.
އިއްބެގެ ސިޓީގައި އިތުރަށް ބުނެފައި ވަނީ މަޖިލީހަށް ވާދަކުރުމަށް އަދާލަތު ޕާޓީގެ ޓިކެޓް ލިބޭތޯ ފޮނުވި ސިޓީގެ ޖަވާބު މިއަދާ ހަމައަށް ވެސް ލިބިފައި ނުވާކަމަށެވެ.
އިއްބެގެ ސިޓީގައި ފާހަގަކޮށްފައިވާ ގޮތުގައި އިސްލާމު ދީނާއި ހިލާފު ވާހަކަ ދައްކަވާ ބޭފުޅަކަށް އަދާލަތުން ތާއީދު ކުރާތީ އެޕާޓީގައި އިތުރަށް ހުރުމަކީ ޤައުމަށް ވެވޭ ޚިޔާނާތެއް ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
