ވާދައެއް ނެތް، ސުޕްރީމް ކޯޓްގެ ފަނޑިޔާރު ކަމަށް ކުރިމަތިލެއްވީ ނިހާޔަތު އެކަނި
ލިޔުންތެރިޔާ
އަހުމަދު ހަމީދު އާދަމް
ސުޕްރީމް ކޯޓްގެ ފަނޑިޔާރު ކަމަށް ހުޅުވާލުމުން އެ މަގާމަށް ސިވިލް ކޯޓުގެ ކުރީގެ ގާޒީ މަރިޔަމް ނިހާޔަތު ކުރިމަތިލައްވައިފި އެވެ.
އޭސީސީން ޖިނާއީ ތަހުގީގެއް ފެށުމާއެކު ޖޭއެސްސީން ވަނީ ސުޕްރީމް ކޯޓްގެ ތިން ފަނޑިޔާރަކު ސަސްޕެންޑް ކޮށްފަ އެވެ. އޭގެ ތެރޭގައި ހުސްނުއްސޫއުދު ވެސް ހިމެނިވަޑައިގަންނަވަ އެވެ. މައްސަލަ ބަލަަން ފެށުމުން ސުއޫދު ވަނީ މަގާމުން އިސްތިއުފާ ދެއްވާފަ އެވެ. ނުފޫޒު ފޯރުވާ ކަމުގެ ބޮޑެތި ތުހުމަތުތަކެއް ވެސް ކުރެއްވި އެވެ.
ސުއޫދު އިސްތިއުފާ ދެއްވުމުން ހުސްވި ފަނޑިޔާރު ކަމުގެ މަގާމަށް އޮތީ ހުޅުވާލާފަ އެވެ. އެ މުއްދަތު ހަމަވީ މިއަދު ހެނދުނު 11 ޖެހިއިރު އެވެ. އެނގިފައިވާ ގޮތުގައި ވަގުތު ހަމަވިއިރު ކުރިމަތިލެއްވީ ނިހާޔަތު އެކަންޏެވެ.
ނިހާޔަތު ވަނީ ސިވިލް ކޯޓުގެ ގާޒީކަން ކުރައްވާފަ އެވެ. އެކަމަނާ ވަނީ ހައިކޯޓްގެ ފަނޑިޔާރު ކަމަށް ވެސް ކުރީން ކުރިމަތިލައްވާފަ އެވެ. އަދި ޕްރޮސެކިއުޓަރު ޖެނެރަލްގެ މަގާމަށް ހުޅުވާލުމުން ވެސް ކުރިމަތިލެއްވި އެވެ. ނަމަވެސް އެ ދެ ފަހަރުވެސް އެ މަގާމަށް ހޮވިވަޑައިގެންފަ އެއް ނުވެ އެވެ.
އެންމެ ފަހުން ނިހާޔަތު ހުންނެވީ ޑެޕިއުޓީ ޕްރޮސެކުއުޓާ ޖެނެރަލްގެ މަގާމުގަ އެވެ. އޭގެ ފަހުން މަސައްކަތް ކުރައްވަމުން ގެންދަވަނީ ގާނޫނީ ވަކީލެއްގެ ގޮތުގަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
