ހެލިކޮޕްޓަރތަކާއި އެކު ތިބީ އިންޑިޔާގެ އެންމެ 50 ސިފައިން
ރާއްޖޭގައި އިންޑިޔާ ސިފައިންގެ ފަރާތުން އޮޕަރޭޓްކުރަމުންދާ ދެ ހެލިކޮޕްޓަރާއި އެކު ރާއްޖޭގައި ތިބީ ފަންސާސް އިންޑިޔާ ސިފައިންކަމަށް އެމްއެންޑީއެފްއިން ބުނެފިއެވެ.
އެމްއެންޑީއެފްއިން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން ޕްރިންސިޕަލް ޑައިރެކްޓާ އޮފް ކޯސްޓްގާޑް ލެފްޓިނެޓް މުހައްމަދު ސަލީމް ވިދާޅުވީ ހެލިކޮޕްޓަރ ބެލެހެއްޓުމަށް ރާއްޖޭގައި ސިފައިން ތިބެނީ ރޮޓޭޓްވާ އުސޫލުންކަމަށާއި އެގޮތުން ކޮންމެ ގްރޫޕަކަށްވެސް ވަކި މުއްދަތެއް ކަނޑައެޅިފައިވާނެކަމަށެވެ.
"އާއްމު ގޮތެއްގައި އަޅުގަނޑުމެން ފިގާ އެއްގެ ގޮތުގައި ގެންގުޅެނީ 50، އެކަމަކު މީގެ ތެރޭގައި އެކްޒެކްޓްލީ ބަލާއިރު ބައެއް ފަހަރު އެ އަދަދަށް ނުތިބެދާނެ އެއީ ބައެއް ފަހަރު މިގޮތަށް ބޮޑު ޓީމެއް އުޅޭއިރު ކޮންމެ ވެސް ވަރަކަށް މީހުން ގޮސް އައިސް ހިނގާނެ" ސަލީމް ވިދާޅުވި އެވެ.
އެބޭފުޅާ އިތުރަށް ވިދާޅުވީ ދެ ހެލިކޮޕްޓަރު ބެލެހެއްޓުމުގައި ހަރަކާތްތެރިވަނީ ހަމައެކަނި އިންޑިއާ ސިފައިން ނޫން ކަމަށެވެ
އެގޮތުން ހެލިކޮޕްޓަރު ބެލެހެއްޓުމުގެ ކަންކަމުގައި އެ ދެ ހެލިކޮޕްޓަރު އުފެއްދި ކުންފުނީގެ މީހުންވެސް ހަރަކާތްތެރިވާ ކަމަށް ލެފްޓިނެންޓް ސަލީމް ވަނީ ފާހަގަކުރައްވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
