އެންސިސް ކާރުހާނާގެ ކަންތަކުގައި ޒަމީރު ވަނީ ޑީލެއް ހައްދަވާފައި: ރައީސް ޔާމިން
ލިޔުންތެރިޔާ
އަބްދުﷲ ހުސައިން
އެންސިސްގެ ކޭނަރީ ސަރުކާރުގެ މަސްކުންފުނި މިފްކޯގެ ދަށަށް ގެނައުމުގައި މާލީ ވަޒީރު މޫސާ ޒަމީރު ގޮތްނޭނގޭ ޑީލްތަކެއް ހައްދަވާފައިވާަކަމަށް ކުރީގެ ރައީސް ޢަބްދުﷲ ޔާމީން ވިދާޅުވެއްޖެއެވެ.
ރައީސް ޔާމީން ނިސްބަތްވެ ވަޑައިގަންވާ ޕީއެންއެފުން ރޭ ބޭއްވި ޖަލްސާގައި ވާހަކަދައްކަވަމުން ރައީސް ޔާމީން ވަނީ އެންސިސްގެ ކާރުހާނާ މިފްކޯއިން ގަންނަން ނިންމުމުން އެކަމާ ފާޑުވިދާޅުވެ ވާހަކަދައްކަވާފައެވެ. އެގޮތުން އެންސިސްގެ އެ ކާރުހާނާއަކީ މަސްވެރި އަމިއްލަ ކުންފުނިތަކުންވެސް ގަންނަން ބޭނުންނުވި ތަނެއްކަން ފާހަގަކުރައްވައި މިފްކޯއިން އެތަން ނަގަންއުޅެނީ ވަކި ބައެއްގެ އަމިއްލަ މަންފާއަށްކަމަށް ވިދާޅުވެ ވާހަކަދައްކަވާފައެވެ.
ރައީސް ޔާމީން ވިދާޅުވީ އެންސިސްގެ އެ ކާރުހާނާ މިފްކޯއިން ގަތުމުގެ ވާހަކަ ދައްކާއިރު، ސަރުކާރުގެ މަސްކުންފުނިވެސް އުޅެނީ ދެކޮޅު ނުޖެހިގެންކަމަށާއި، މިފްކޯގައި މިހާރުވެސް ބޮޑު ދަރަންޏެއް އެބައޮތްކަމަށެވެ. އެހެންކަމުން އެންސިސްގެ އެ ކާރުހާނާ ގަތުމަށް މާލީ ވަޒީރު މޫސާ ޒަމީރު އުޅުއްވަނީ އަމިއްލަ ބޭނުމެއްގައި ކަމަށާއި، މިނިސްޓަރު ޒަމީރުގެ ވިސްނުން ހުރީ އެތަން ގަތުމަށްފަހު އިސްތިއުފާދެއްވައި އެމަނިކުފާނު ދުބާއީއަށް ދިރިއުޅުން ބަދަލުކުރެއްވުމަށް ކަމަށްވެސް ރައީސް ޔާމީން ވިދާޅުވިއެވެ. އަދި މިފްކޯއިން އެތަން ގަންނަން އުޅެނީ 35 މިލިއަން ޑޮލަރުގެ އަގަކަސް ކަމަށްވެސް ރައީސް ޔާމީން ވިދާޅުވިއެވެ.
އެންސިސްގެ އެ ތަނަކީ ޕްރައިވެޓް ސެކްޓަރުން 10 މިލިއަން ޑޮލަރަށްވެސް ގަންނަން ބޭނުންނުވި ތަނެއް
ރައީސް ޔާމީން ވިދާޅުވިއެވެ
އެންސިސް ކުންފުނިން ތަރައްޤީކުރި ފިޝް ކެނެރީގެ އޮޕަރޭޝަންތައް ހުއްޓާލާފައިވަނީ 2023 ވަނަ އަހަރުގެ ފަހުކޮޅުއެވެ. އެންސިސް ކުންފުނީގެ ފިޝް ކެނެރީގެ އޮޕަރޭޝަންތައް ހުއްޓާލާފައިވަނީ 2023 ވަނަ އަހަރުގެ ރިޔާސީ އިންތިހާބާ ދިމާކޮށް ސަރުކާރުން މަސްގަންނަ އަގު 25 ރުފިޔާއަށް ބޮޑުކުރުމުންނެވެ.
މިފްކޯއިން އިއްޔެ ނެރުނު ބަޔާނުގައި ވަނީ އެކުންފުނީގެ ވަސީލަތްތައް ހުރި ހާލަތަށް ބަލައި އެންސިސްގެ ފިޝް ކެނެރީ ގަތުމަށް މަސައްކަތް ކުރަމުންދާކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
