އެއްތަނުން އަނެއްތަނަށް އުފުލާ މުދާ ރައްކާތެރިކުރާނެ ފަސޭހަގޮތެއް

ގުދުރަތީގޮތުން ރާއްޖެ އުފެދިފައިވަނީ ވަކިވަކި ރަށްތަކެއްގެ ގޮތުގައެވެ. ރާއްޖޭގައި މީހުން ދިރިއުޅޭ 100 އެތައް ރަށެއް އޮންނައިރު މުދާ އުފުލުމުގައި އަދިވެސް ބަރޯސާވާން ޖެހެނީ ކަނޑުދަތުރުފަތުރަށެވެ. ކޮންމެ ދުވަހަކަށް ބަލާލިނަމަވެސް ކަނޑުދަތުރުކުރާ އެތައް އުޅަނދެއް މުދާ ހިފައިގެން މާލެއާ ރާއްޖޭގެ ރަށްތަކާ ދެމެދު ދަތުރުކުރެއެވެ.

ރާއްޖެއަކީ ކަނޑުގެ ސަރަހައްދު ބޮޑު ޤައުމެއްކަމުން މުދާހިފައިގެން ކަނޑުދަތުރުފަތުރުކުރުމުގައި ވަރަށްބޮޑަށް ސަމާލުވާން ޖެހޭތަން އާދެއެވެ. މޫސުން ގޯސްވެއްޖެނަމަ ކަނޑުމައްޗަށް ނާރައި ހަފްތާއެއްހާ ދުވަހު މަޑުކުރަން ޖެހެއެވެ. ބައެއްފަހަރު މޫސުން ގޯސްވިނަމަވެސް މުދާހިފައިގެން ދަތުރުފަށަން ޖެހެނީ އިތުރުގޮތެއް ނޯންނާތީއެވެ.

މިހެން ކުރާ ދަތުރުތަކުގައި މޫސުން ގޯސްވުމުގެ ސަބަބުން މުދާ ހިފައިގެން ދަތުރުކުރަނިކޮށް ނުރައްކާތެރި އެތައް ހާދިސާތަކެއް ދިމާވެފައި އެބަހުއްޓެވެ. ހަމައެކަނި މިހިނގާ ހުޅަނގު މޫސުމުގެ ފާއިތުވެގެންދިޔަ ދުވަސްތަކަށް ބަލާލިނަމަވެސް މުދާ ހިފައިގެން ދަތުރުކުރަނިކޮށް ބައެއް އުޅަނދުތައް ފަރަށްއަރައި އަނެއްބައި އުޅަނދުތައް ދިޔަވެ މުދަލާއެކު އަޑިއަށްދިއުންފަދަ ހާދިސާތައް ހިނގާފައި އެބަހުއްޓެވެ.

މިފަދަ ހާދިސާތަކުގައި އުޅަނދާއި މުދަލުގެ ވެރިފަރާތްތަކަށް ބޮޑެތި ގެއްލުންތަކެއް ލިބިފައި އެބަހުއްޓެވެ. ހާއްސަ ގޮތެއްގައި މިފަދަ ހާދިސާތަކުގައި އުޅަނދުގެ ވެރިފަރާތަށް ލިބޭ ގެއްލުން މިލިއަނުން ގުނާލެވެއެވެ. މިގޮތުން ލިބޭ ގެއްލުންތައް އިންޝުއަރަންސް ކުރެވިފައި ނެތްނަމަ، އެކަމުގެ ގެއްލުމުގައި މީހާގެ މުޅި އުމުރު ހޭދަކުރަންޖެހިފައިވެސް އެބަހުއްޓެވެ.

އެލައިޑް ކާގޯ އިންޝުއަރަންސް ހިދުމަތަކީ މިހާރު އިންޝުއަރަންސް މާކެޓްގައި އެންމެ ފާހަގަކޮށްލެވޭ އިންޝުއަރަންސް ޕްލޭނެވެ. މި ހިދުމަތް ފަރުމާކޮށްފައިވަނީ ރާއްޖެފަދަ ކަނޑު ދަތުރުތައް ގިނަ ޤައުމަކަށް އެންމެ އެކަށޭނެގޮތަށެވެ. އެލައިޑް ކާގޯ އިންޝުއަރަންސްގެ ތެރެއިން ކާގޯ އުފުލުމުގައި ދިމާވެދާނެ ނުރައްކާތެރި ހާދިސާއަކުން މުދާތަކަށް ލިބޭ ގެއްލުންތައް ކަވަރކުރެވޭކަން ފާހަގަކޮށްލެވެއެވެ. އެގޮތުން އުޅަނދު ފެތި ނުވަތަ މުދާތަކަށް ފެންވަދެގެން ނުވަތަ މުދާތަށް ކަނޑަށް ދޫވުމުން ކުރިމަތިވާ ގެއްލުންތަކުން އެލައިޑްގެ މި ޕްލޭނުން އެހީވެދެއެވެ.

އެލައިޑް ކާގޯ އިންޝުއަރަންސް ޕޮލިސީގައި 3 ކެޓަގަރީއެއް ހިމެނެއެވެ.

-    އައިސީސީ އޭ: މި ޕްލޭނަކީ ކުރިމަތިވާ އެންމެ ނުރައްކާތެރި ހާދިސާތަކުގައި ބަދަލުލިބޭގޮތަށް ތައްޔާރުކޮށްފައިވާ ޕްލޭނެވެ. މި ޕްލޭނުގެ ދަށުން އަލިފާނުގެ ބޮޑު ހާދިސާއެއްގެ ސަބަބުން އުޅަނދު އަނދައިގެން ދިއުމާއި، ކަނޑުފޭރޭމީހުންގެ ސަބަބުން ކުތރިމަތިވާ ނުރައްކާތެރިކަމުންނާއި، އެނޫންވެސް ކަމަކުން ލިބޭ ގެއްލުންތައް ކަވަރުކޮށްދެއެވެ.

-    އައިސީސީ ބީ: މި ޕްލޭންގެ ދަށުން ކުރިމަތިވާ ޤުދުރަތީ ހާދިސާތައްކަމަށްވާ ހޮނުއެޅުމާއި، ކާގޯ ކޮންޓެއިނަރ ކަނޑަށް ވެއްޓުމާއި، ކޮންޓެއިނަރ އުފުލުމުގައި ދިމާވާ ކަންކަމުން ލިބޭ ގެއްލުންތައް ކަވަރުކޮށްދެއެވެ.

-    އައިސީސީ ސީ: މިއީ އެލައިޑް ކާގޯ އިންޝުއަރަންސްގެ އެންމެ ލުއި ޕްލޭނެވެ. މި ޕްލޭނުގެ ދަށުން އުޅަނދު ބަންޑުންޖަހާލައިގެން ލިބޭ ގެއްލުންތަކށާއި، ހިނގާ އަލިފާނުގެ ހާދިސާތަކާއި، ކަނޑަށް ކާގޯ ދޫކޮށްލަންޖެހޭ ހާލަތުގައި އެ ލިބޭ ގެއްލުންތައް މި ޕޮލިސީން ކަވަރުކޮށްދެއެވެ.

އެލައިޑް ކާގޯ އިންޝުއަރަންސްގެ ދަށުން ކަނޑުމަގުން އުފުލާ ކާގޯގެ އިތުރުން ވައިގެ މަގުން އުފުލާ ކާގޯއަށް ރައްކާތެރިކަން ފޯރުކޮށްދެއެވެ.