އެފްއެސްއެމްގެ މުއައްޒަފުންތަކެއް ތެލުގެ ވަގު ވިޔަފާރިކުރާ މައްސަލައެއް ބަލަނީ
ލިޔުންތެރިޔާ
އަބްދުﷲ ހުސައިން
ފިއުލް ސަޕްލައި މޯލްޑިވްސް (އެފްއެސްއެމް)ގެ މުއައްޒަފުންތަކެއް ތެލުގެ ވަގު ވިޔަފާރިކުރަމުންދާ މައްސަލައެއް ފުލުހުން ބަލަން ފަށައިފިއެވެ.
މިކަމާ ގުޅިގެން އެކްސްގައި ކުރެއްވި ޕޯސްޓެއްގައި ދާހިލީ ވަޒީރު އަލީ އިހުސާން ވިދާޅުވީ، އެފްއެސްއެމްގެ މުވައްޒަފުންތަކެއް އެކުންފުނީގެ ތެލުން ވައްކަންކޮށް، އޭގެއިން ލިބޭފައިސާ ލޯންޑަރކުރަމުންދާކަމަށް ޝައްކު ކުރެވޭ މައްސަލައެއް ފުލުހުން ތަހުގީގުކުރަމުންދާ ކަމަށެވެ. މި މައްސަލާގައި މިހާތަނަށް ފުލުހުންގެ ހާއްސަ ޓީމުތަކުންވަނީ 10 މީހުނާއި 2 ގެ އަދި ތެޔޮއުފުލާ 2 ބާޖު ބަލައިފާސްކޮށްފައެވެ.
މިނިސްޓަރު ވިދާޅުވީ މި މައްސަލައާއި ގުޅުންހުރި އިލެކްޓްރޯނިކް ސާމާނާއި ލިޔެކިޔުން ހޯދާފައިވާކަމަށެވެ. އަދި މިމައްސަލައިގެ ތަހުގީގު ކުރިއަށް ދާވަރަކުން މައްސަލައާއިގުޅޭ އިތުރު ތަފްސީލު ހާމަކުރައްވާނޭކަމަށެވެ.
މިފަދަ މައްސަލަތައް ހޯދާ ފުރިހަމައަށް އަވަހަށް ތަހުގީގުކޮށް ވަކި މީހަކު އިސްތިސްނާނުކޮށް ޤާނޫނީ ފިޔަވަޅު އެޅުމަކީ ރައީސް ޑރ. މުއިއްޒު ވަރަށް އިސްކަންދެއްވާ ކަމެއް
ދާހިލީ ވަޒީރު ވިދާޅުވިއެވެ.
އެފްއެސްއެމްއާ ގުޅޭ ހިޔާނާތުގެ މައްސަލައެއް ފެންމަތިވެފައިވާއިރު، ވަރަށްފަހުން އެކުންފުނީގެ މެނޭޖިންގ ޑިރެކްޓަރުގެ މަގާމުގައި ހުންނެވި އިސްމާއީލް ސުހައިލް ވަނީ މަގާމުން އިސްތިއުފާދެއްވާފައެވެ. ނަމަވެސް އޭނާ މަގާމުން އިސްތިއުފާދެއްވި ސަބަބެއް އަދި މިހާތަނަށް ހާމަކޮށްފައެއް ނުވެއެވެ.
އެފްއެސްއެމަކީ ސަރުކާރާ ރައްޔިތުން ހިއްސާވާ ވިޔަފާރިކުންފުނި، އެސްޓީއޯގެ ސަބްސިޑަރީ ކުންފުންޏެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
