ބޭހުގެ ދަތިކަން ހައްލު ކުރުމަށް، 77 ބޭހެއް %15 ފައިދާ ލައިގެން ވިއްކޭ ގޮތް ހަދައިފި

ރާއްޖެއަށް ބޭސް އެތެރެކުރާ ފަރާތްތަކަށް ލުއިތަކެއް ދިނުމަށް ނިންމަވާ، އަގު ކޮންޓްރޯލްކުރި 77 ބޭހަކުން %15 ފައިދާ ލައިގެން ވިއްކޭގޮތަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހަމަޖައްސަވައިފިއެވެ.

ރައީސް އޮފީހުގައި މިހާރު ކުރިއަށް ގެންދާ ނޫސްވެރިންގެ ބައްދަލުވުމުގައި ރައީސް ވިދާޅުވީ، އާސަންދަ ރީފޯމްގެ ތެރެއިން 1،000 ނުވަތަ 2،000 ޕަސެންޓާ ދެމެދުގެ ފައިދާ ލައިގެން އާސަންދައަށް ބިލްކުރަމުން ދިޔުން ހުއްޓުވުމަށް ސަރުކާރުން ބޭހުގެ އަގުތައް ކޮންޓްރޯލް ކުރި ކަމަށެވެ.

އެފަދައިން ކަން ކުރުމުން، ސަރުކާރަށް ޖެއްސުމަށް، ބައެއް ވިޔަފާރިވެރިން ބޭސް ގެނައުން ގަސްތުގައި ހުއްޓާލި ކަމަށާއި ބޭހުގެ ދަތިކަން ކުރިމަތިވީ އެ ސަބަބާހުރެ ކަމަށް އެ މަނިކުފާނު ވިދާޅުވި އެވެ.

"ހަމަ ގަސްދުގައި ގެނައުން ހުއްޓާލީ ބައެއް ބޭސް، ހަމަ ޗޯކު ކޮށްލަން ވެގެން. ހުއްޓާލީމަ ތާށިތަކެއް ދިމާވީ. އެސްޓީއޯ އަށް އިންޓައިމް ނުގެނެވުނީ ބޭސް އެހާ ވަރަށް،"

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހަމަޖައްސަވައިފިއެވެ.

އެކަން ހައްލު ކުރުމަށް، އަސާސީ ބޭހުގެ ލިސްޓުގައި ހިމެނޭ 10 ބޭހެއް ފިޔަވައި ހުރިހާ ބޭހެއް އެސްޓީއޯ މެދުވެރިކޮށް މިހާރު ގެނެސްފައިވާ ކަމަށާ، އެ ނުގެނެވި ހުރި 10 ބޭސްވެސް ގެނައުމުގެ މަސައްކަތް ކުރައްވަމުންދާ ކަމަށް ރައީސް ވިދާޅުވިއެވެ.

މީގެ އިތުރުން އެޕްރޫވްޑް ޑްރަގް ލިސްޓުގައި ހިމެނޭ 1207 ބޭހުގެ ތެރެއިން 784 ބޭސް މިހާރު ލިބެން ހުންނާނެ ކަމަށާ، ބާކީބޭސްވެސް ގެނައުމުގެ މަސައްކަތް ކުރައްވަމުންދާ ކަމަށް ވިދާޅުވިއެވެ.

ހަމަ އެހެންމެ ކުރިން އެޅި ފިޔަވަޅު ލުއިކޮށްދެއްވާ، ބޭސް އެތެރެކުރާ ފަރާތްތަކަށް ފައިދާއެއް ލިބޭނެގޮތެއް ހެދުމަށް، ކެޕް ކުރި 77 ބޭހަކުމް 15 ޕަސެންޓު ފައިދާ ލައިގެން ވިއްކުން ހުއްދަ ކުރެވިފައިވާ ކަން އެމަނިކުފާނު ފާހަގަކުރެއްވިއެވެ.

ކުރިން އަޅުގަނޑުމެން ކަޓްޑައުން ކޮށްލި ކޮށްލުމަށް ކުޑަކުޑަ މާޖިންއެއް ލައިދީފިން މިހާރު. އޭޕްރީލް މަހުގެ 20 އިން ފެށިގެން، ޕްރަްުވެޓް ސެކްޓާއިން ބޮޑު ޕްރޮފިޓެއް ނަގަމުންދިޔަދިޔުން ކަނޑާލި ކަނޑާލުމުގައި، 15 ޕަސެންޓް އިތުރުކޮށްލަދީފިން. މާނަ އަކީ އެމީހުންނަށް ކަޓްޑައުން ކުރި ވަރަށްވުރެ ރަނގަޅު އެއްޗެއް ލިބޭ ގޮތް ހަދައިދިނީމި 77 ބޭހަކަށް.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހަމަޖައްސަވައިފިއެވެ.

އެކަން ކުރެއްވީ ބޭޖުގެ ސްޓޮކް މެއިންޓެއިން ކޮށް ބޭސް ގެނައުމަށް އެފަރާތްތަކަށް ހިތްވަރު ދެއްވުމަށް ކަމަށް ރައީސް ވިދާޅުވިއެވެ.