މާރިޔާގެ އިތުބާރުނެތްކަމުގެ މައްސަލަ މަޖިލީހަށް ވައްދައިފި

ޑިފެންސް މިނިސްޓަރ، އަލްއުސްތާޛާ މާާރިޔާ އަހުމަދު ދީދީގެ އިތުބާރު ނެތްކަމުގެ މައްސަލައެއް ރައްޔިތުންގެ މަޖިލީހަށް ހުށައަޅައިފިއެވެ.

މި މައްސަލަ މަޖިލީހަށް ހުށައަޅާފައިވަނީ އިިދިކޮޅު ޕްރޮގްރެސިވް ކޯލިޝަންގެ ފަރާތުންނެވެ.

މިކަމާއި ގުޅިގެން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން ޕީޕީއެމްގެ ޕާލަމެންޓްރީ ގުރޫޕްގެ ލީޑަރު އަހުމަދު ނިހާން ހުސައިން މަނިކު ވިދާޅުވީ، ގައުމީ ސަލާމަތާ ބެހޭ ކޮމެޓީ އަށް މިނިސްޓަރު މާރިޔާ ހާޒިރު ކުރުމަށް މަސައްކަތް ކުރުމުން އެކަން ކާމިޔާބު ނުވުމުން މިއަދު މާރިޔާގެ އިތުބާރު ނެތް ކަމުގެ މައްސަލަ މަޖިލީހުގެ ތަޅުމަށް ހުށަހަޅައިފައިވާނެކަމަށެވެ.

ނިހާން ވިދާޅުވީ، ކޮމެޓީ ސަލާމަތާއި ބެހޭ ކޮމެޓީގެ މުގައްރިރަކު މިހާތަނަށް ނެތުމުން މުގައްރިރަކު ނެތި އެ މައްސަލަ ކޮމެޓީގައި އެޖެންޑާ ކުރެވެން ނެތުމުން ޕީޕީއެމް އާއި ކޮންގްރެސް ޕާޓީގެ މެމްބަރުންގެ ސޮޔާއެކު މަޖިލީހަށް ހުށަހަޅާފައިވާނެކަމަށެވެ.

މާރިޔާގެ އިތުބާރު ނެތްކަމުގެ މައްސަލަ ފެއިލްކޮށްލާނެކަމަށް ވެރިކަންކުރާ އިއްތިހާދުން ވަނީ ބުނެފައެވެ.