މަންޓާ އެއާއިން ޚާއްސަ ފެއަރއަކާއި އެކު ބ.އަތޮޅަށް އުދުހެން ފަށައިފި
ރާއްޖޭގެ އެތެރޭގެ އުދުހުންތަކުގައި މަގުބޫލުކަން ހޯދަމުންދާ މަންޓާ އެއާއިން، ޚާއްސަ ފެއަރ އަގަކާއި އެކު ބ.އަތޮޅަށް އުދުހެން ފަށައިފިއެވެ.
އެގޮތުން މިއަދު އެ އެއާލައިންގެ ބ.އަތޮޅަށް ދަތުރުކުރި ފުރަތަމަ ފްލައިޓް ވަނީ ޖައްސާފައެވެ.
މިއަދުން ފެށިގެން އެ އެއާލައިނުން ދުވާލަކު ދެ ފްލައިޓް މާލެއާއި ދަރަވަންދޫއާއި ދެމެދު ބޭއްވުމަށް ވަނީ ހަމަޖެހިފައެވެ. މި އަދަދު ފަހުން ތިން ފްލައިޓަށް އިތުރުކުރާނެކަމަށް އެ އެއާލައިނުން މައުލޫމާތުދެއެވެ.
މިދަތުރުތައް ކުރުމަށް ހަމަޖެހިފައިވަނީ އޭޓީއާރުގެ ބޯޓުތަކެއްގައިކަން ފާހަގަކޮށްލެވެއެވެ. މިއީ ޒަމާނީ ވަސީލަތްތައް ހިމެނޭ މުޅިން އާބޯޓުތަކެކެވެ.
ދަރަވަންދޫއަށް ދަތުރުތައް ފެށުމުގެ ގޮތުން މަންޓާއިން ވަނީ ޚާއްސަ ޕްރޮމޯޝަނެއް ފަށާފައެވެ. އެގޮތުން ބޮޑުމީހަކަށް އެއްކޮޅުގެ ޓިކެޓް 499އަށް އަދި ކުޑަކުއްޖަކަށް 249ރުފިޔާއަށް މި ޕްރޮމޯޝަންގެ ދަށުން ދަތުރުކުރެވޭނެެއެވެ.
މި ޕްރޮމޯޝަންގައި ހިމެނެނީ އެޕްރީލް މަހުގެ 11-18އަށް ދަތުރުކުރައްވާ ފަރާތްތަކެވެ. މި ޕްރޮމޯޝަންގެ ޓިކެޓްތައް އެ އެއާލައިންގެ ވެބްސައިޓުންނާއި އޭޖެންޓުން މެދުވެެރިކޮށް ގަނެވޭނެކަމަށް މަންޓާއިން މައުލޫމާތުދެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
