ސައިކަލުގެ ފަހަތުގައި އިން މީހާއާ ސުވާލުކުރި ސަބަބު ފުލުހުން ސާފުކޮށް ދީފި
ލިޔުންތެރިޔާ
އަހުމަދު ހަމީދު އާދަމް
މަގުމަތި ބަލަހައްޓާ ފުލުހުން, ސައިކަލެއް ހުއްޓުވާ އޭގެ ފަހަތުގައި އިން މީހާއާ ސުވާލުކުރި ސަބަބު ސާފުކޮށްދީފި އެވެ.
އަންހެނަކު ވަނީ އޭނާގެ ފޭސްބުކް އެކައުންޓްގައި ފުލުހުން އަމަލު ކުރި ގޮތާމެދު ކަންބޮޑުވުން ފާޅުކޮށް ޝަކުވާ ކޮށްފަ އެވެ. އޭނާ ވަނީ ލައިސަންސް އޮތަސް ނެތަސް ހިފަހައްޓާ ޓޯ ކުރާ ކަމަށާ ފުލުހުން ވާހަކަ ދައްކަނީ ބާޒާރު މަތީ ބަހުރުވައިން ކަމަށް ބުނެފަ އެވެ. އަދި ހުއްޓުވާ ސުވާލު ކުރަނީ ސައިކަލުގެ ފަހަތުގައި އިންމީހާއާ ކަމަށް ބުނެ އެއީ ކޮން އިންސާފެއްތޯ ސުވާލުކޮށްފަ އެވެ.
މަގުމަތީ ބަލަހައްޓާ ފުލުހުން އާންމުކޮށް ސުވާލު ކުރަނީ ސައިކަލު ދުއްވަން އިންނަ މީހާއާ އެވެ. ފަހަތުގައި އިންނަ މީހާއާ ސުވާލެއް ނުކުރެ އެވެ.
އެކަމާއި ގުޅޭގޮތުން ސުވާލު ކުރުމުން ފުލުހުން ވަނީ އެކަން ވީގޮތް ސާފުކޮށްދީފަ އެވެ.
ފުލުހުން ބުނީ އެ މައްސަލާގައި ސައިކަލުގެ ފަހަތުގައި އިން މީހާއާ ސުވާލުކޮށް ފިޔަވަޅު އަޅާފައިވަނީ ފުުލުހުން ފެނުމުން ދުއްވަމުން އައި މީހާ ބަދަލުކުރުމާއި ގުޅިގެން ހުއްޓުވާ ބެލިއިރު ލައިސަންސް ނެތް މީހަކު ވެހިކަލް ދުއްވާފައިވާތީ ކަމަށެވެ. އެގޮތުން މި މައްސަލާގައި ފިޔަވަޅު އަޅާފައިވަނީ އުސޫލުތަކާއި އެއްގޮތްވާ ގޮތުގެ މަތީން ކަމަށް ފުލުހުން ބުންޏެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
