މަގުމަތީގައި މުދާ އުފުލޭ ވަގުުތުތައް އިތުރުކޮށްފި

މާލެއާއި ހުުޅުމާލޭގެ މަގުމަތީގައި ޕިކަޕް ބޭނުންކޮށްގެން މުދާ އުފުލޭނެ ވަގުތުތައް އިތުރުކޮށްފިއެެވެ.

ޓްރާންސްޕޯޓް މިނިސްޓްރީން މައުލޫމާތުދޭ ގޮތުގައި މިއަދުން ފެށިގެން 350 ކިލޯގެ ޕިކަޕްތަކަށް 24 ގަޑިއިރު މުދާ އުފުލޭނެއެވެ. އަދި ހެނދުނު 9:00 އިން ފެށިގެން ހެނދުނު 11:30އަށް ހުރިހާ ބާވަތެއްގެ މުދާ އުފުލާ އުޅަނދުތަކަށް މުދާ އުފުލޭނެ ކަމަށް ވެސް އެ މިނިސްޓްރީން ބުންޏެވެ.

ނަމަވެސް ސްކޫލް ފެށޭ ގަޑިއާއި ނިމޭ ގަޑީގައި އެ ސަރަހައްދުތަކުގައި މުދާ އުފުލާ އެއްވެސް އުޅަނދެއް ދަތުރުކުރުން ވަނީ މަނާކޮށްފަ އެވެ

ޓްރާންސްޕޯޓް މިނިސްޓްރީން ބުނީ އަލަށް ހެދި އުސޫލުގެ ދަށުން ހެނދުނު 11:30 އިން ފެށިގެން މެންދުރު 1:30 އަށް 350 ކިލޯއިން ފެށިގެން ދަށުގެ އުޅަނދުތަކުގައި މުދާ އުފުލޭނެ ކަމަށެވެ.

އެ މިނިސްޓްރީން ބުނީ 350 ކިލޯއަށްވުރެ މަތީގެ އުޅަނދުތަކުގައި މުދާ އުފުލޭނީ މެނދުރު 1:30 އިން ފެށިގެން ޖެހިގެން އަންނަ ދުވަހުގެ ހެނދުނު 6:00އާ ހަމަޔަށް ކަމަށެވެ. އަދި ކަސްޓަމްސްއިން ނެރެގެން ގެންދާ މުދާ ހަމައެކަނި ބޮޑުތަކުރުފާނުމަގު ގެންދެވޭ ގޮތަށް ވަނީ ޓްރާންސްޕޯޓުން ވަނީ ކަނޑައަޅާފައެވެ.

މީގެ އިތުރުން ބްރިޖް މަތިން މުދާ އުފުލުމަށް ވެސް ހާއްސަ ގަޑިތަކެއް ހަމަޖައްސައިފަ އެވެ. އެގޮތުން ދެ ޓަނުން ދަށުގެ އުޅަނދުތަކަށް 24 ގަޑިއިރު ބްރިޖު މަތިން މުދާ އުފުލޭއިރު، 2.1 ޓަނުން ފެށިގެން މަތީގެ އުޅަނދުތަކަށް ބްރިޖު މަތިން މުދާ އުފުލޭނީ އިރުއޮއްސި 6:00 އިން ފެށިގެން ހެނދުނު 6:00 އާ ހަމަޔަށެވެ.

މީގެ އިތުރުން ފެނާއި ގޭސް އުފުލާ 350 ކިލޯއިން ފެށިގެން ދަށުގެ ޕިކަޕްތަކުގައި 24 ގަޑިއިރު ފެނާއި ގޭސް އުފުލޭ ގޮތަށް ވަނީ ހަމަޖައްސައިފަ އެވެ. އަދި އިރުއޮއްސި 6:00 އިން ފެށިގެން ހެނދުނު 6:00 އަށް ހުރިހާ ކެޓަގަރީއެއްގެ އުޅަނދެއްގައި ފެނާއި ގޭސް އުފުލޭނެ ކަމަށް އެ މިނިސްޓްރީން ބުންޏެވެ.

ޓްރާންސްޕޯޓް މިނިސްޓްރީން ކަނޑައަޅުއްވާފައިވާ އުސޫލުގެ ދަށުން، ކޮންސްޓްރަކްޝަން ސާމާނާއި ލަކުޑިއާއި ދަގަނޑުފަދަ ތަކެތި އިރުއޮއްސި 6:00 އިން ފެށިގެން ހެނދުނު 6:00 އަށް ހުރިހާ ކެޓަގަރީއެއްގެ އުޅަނދަށް އުފުލޭނެ އެވެ.