ޤައުމެއްގެ ގޮތުގައި ކުރިއަރާ ދިއުމަށް އާއިލާތަކުގެ މެދުގައި ބަދަހި ގުޅުމެއް އޮތުން ވަރަށް މުހިންމު: އަލައިކާ

ޤައުމެއް ޤައުމެއްގެ ގޮތުގައި ކުރިއަރާ ދިއުމަށް އާއިލާތަކުގެ މަދުގައި ބަދަހި ގުޅުމެއް އޮތުން ވަރަށް މުހިންމުކަމަށް ކޮންގްރެސް ޕާޓީގެ ފަރާތުން މާލެސިޓީގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ރައީސާކަމުގެ މަޤާމަށް ކުރިމަތިލައްވާފައިވާ ކެނޑިޑޭޓް އާއިޝަތު އަލައިކާ ވިދާޅުވެއްޖެއެވެ.

އަލައިކާގެ ހުޅުމާލޭ ކެމްޕެއިން ޖަގަހަ ހުޅުވުމަށް ބޭއްވި ހަފްލާގައި އަލައިކާ ވަނީ މިކަމާ ގުޅޭގޮތުން ޕީއެންސީގެ ވެރިކަމުގައި އެކުލަވާލާފައިވާ ތަސައްވުރާ އަދި ކެނޑިޑޭޓެއްގެ ހައިސިއްޔަތުން މިކަމުގައި ގެންގުޅުއްވާ ތަސައްވުރާ ގުޅޭގޮތުން ވާހަކަދައްކަވާފައެވެެ.

އަލައިކާ ވިދާޅުވީ ޑަބްލިއުޑީސީގެ ރައީސާކަމުގެ މަގާމަށް ކުރާ މި ދަތުރުގެ ކެމްޕޭންގެ މައިގަނޑު ޝިއާރަކީ ބަދަހި އާއިލާ ކަމަށެވެ.

ގައުމެއް ބިނާކުރުމަށް ގައުމެއް ތަރައްޤީވާން އެންމެ މުހިންމު އެއްކަމަކީ އެގައުމެއްގެ ސިޓީތަކާ އާއިލާތައް ތަރައްޤީވުންކަން ފާހަގަކުރައްވަމުން އަލައިކާ ވިދާޅުވީ، އާއިލާތަކާ އެގައުމެއްގެ ސިޓީއާއި މި ސިޓީތަކާ ރަށްތަކާ ނޫނީ އަތޮޅުތައް ތަރައްޤީވުމަށްޓަކައި އެރަށެއްގެ އެސިޓީއެއްގަ ހުންނަ ކޮމިއުނިޓީތަކެއް އެބަ ތަރައްޤީވާން ޖެހޭކަމަށެވެ. އެގޮތުން އެކޮމިއުނިޓީތަކެއް ތަރައްޤީވުމަށްޓަކައި އެކޮމިއުނިޓީއެއްގަ ހުންނަ އާއިލާތަކެއް ތަރައްޤީވާން އެބަ ޖެހޭކަން އަލައިކާ ވިދާޅުވިއެވެ.

އާއިލާތަކެއް ތަރައްޤީވާނީ އާއިލާގެ ގުޅުން ބަދަހިވެގެން. އާއިލާއެއްގެ ގުޅުން ބަދަހިކުރުމަށް އެންމެ އިސް ދައުރެއް ބައްޕައެކޭ އެއްފަދައިން ނަގަނީ އަޅުގަނޑުމެން އަންހެނުން، މަންމައިން، އަނބިމީހާ، އަދި ގޭގަ އުޅޭ އެހެނިހެން އަންހެނުން. އެހެންނުންތޯ؟

އާއިޝަތު އަލައިކާ

އަލައިކާ ވިދާޅުވީ މި ތަސައްވު މިތަސައްވުރު ހާސިލު ކުރުމަށްޓަކައި އެންމެ ބޮޑު ހައިރާންކަމެއް ލިބުނީ އަދި އެންމެ އުފާވީ  އަދުގެ ރައީސުލްޖުމްހޫރިއްޔާ ޑރ.މުހައްމަދު މުއިއްޒު މާލެ ސިޓީ ކަމުގެ މޭޔަރުކަމުގައި ހުންނެވިއިރު، އެމަގުން ކަންކަން ކުރުމަށް ޕްލޭންތައް ކޮށްފައި އޮތުމުންކަމަށެވެ.

އަދުގެ ރައީސުލްޖުމްހޫރިއްޔާގެ ވަދުދުފުޅުތައް ހުރީ އަންހެނުންގެ ހުރި ކަންބޮޑުވުންތަކަށް ރިއާޔަތްކޮށްކަން ފާހަގަކުރައްވައި އަލައިކާ ވިދާޅުވީ، މި ބަދަހި އާއިލާގެ ޝިއާރު ހާސިލްކުރުމަށް އެންމެ ބޮޑު އަމާޒެއްކަމުގައި ހަދާނީ ދިރިއުޅޭނެ ޖާގަަތައް ފަހިކޮށްދިނުމަށް ކަމަށެވެ.

މާލެ ސިޓީގެ އާއިލާތަށް ތަހައްމަލު ކުރަމުން މިދަނީ ހަމައެކަނި ތޮއްޖެހުމެއް ނޫން. މިއީ އިންސާނީ ކަރާމަތަށް ނުފެތޭ ކުދިކުދި ގޮޅިތަކެއްގައި ބަންދުވެފައި ތިބެންޖެހޭ ޖެހުމެއް. މިކަމަށް ހައްލެއް ގެނައުމުގެ ގޮތުން އަޅުގަނޑު އެންމެ ބޮޑު އަމާޒެއް މިހިފަނީ

އާއިޝަތު އަލައިކާ

އަލައިކާ ވިދާޅުވީ އޭނާގެ އަމާޒަކީ މާލޭގައި ހުރިހާ ހިސާބެއްގައިވެސް އާއިލީ މައިޒާންތަކެއް ގާއިމްކޮށްދިނުން ކަމަށާއި އަދި މިހާރު އުފައްދާފައި ހުރި ތަންތަނަކީ ސާފުތާހިރުކަމާއެކީގައި ބެލެހެއްޓޭނެ ތަންތަންކަމުގައި ހަދަން ކަމަށެވެ.

މިތަންތަނަކީ އާއިލާއާ ރަށްޓެހި ރަށްޓެހިނާ މުސްކުޅި ދުވަސްވީ މީހުންނާ އަދި ނުކުޅެދުންތެރިކަން ހުންނަ ފަރާތްތަކާ އެކީގައި ފަސޭހަކަމާއެކީ ހިނގާލާފަ ދެވޭނެ ފަދަ މައިޒާންތަކެއް ކަމުގައި ހަދަންޖެހޭކަން އޭނާ ފާހަގަކުރެއްވިއެވެ.  އަދި ހަމައެއާ އެކު މަގުތަކުގެ ތަރުތީބު ބަދަލުކޮށް އާންމުންނަށް ފަސޭހަކަމާ އެކީ ހިނގާބިނގާވެ އުޅެވޭނެ ރައްކާތެރި ތަނަކަށް ހެދުމަކީ އޭނާގެ ޓީމްގެ އަމާުކަމަށް އަލައިކާ ވިދާޅުވިއެވެ.