ހުުޅުމާލޭ ސްޕޯޓްސް ސްކޫލްގެ ދަރިވަރުން ބޭރުގެ މުބާރާާތެއްގައި ބައިވެރިވެއްޖެ

ހުޅުމާލޭގައި ފުޅާ ދާާއިރާއެއްގައި ކުޑަކުދިންނަށް ކުޅިވަރުގެ ތަމްރީން ފޯރުކޮށްދެމުންދާ ހުޅުމާާލޭ ސްޕޯޓްްސް ސްކޫލްގެ ދަރިވަރުން ބައިނަލްއަގްވާމީ މުބާރާތެއްގައި ބައިވެރިވެއްޖެއެވެ.

މެލޭޝިއާގައި އޮތް މި މުބާރާތުގައި ބައިވެރިވުމަށް އެ ސްކޫލްގެ ތޭރަ އަހަރުން ދަށުގެ ޓީމެއް ވަނީ އިއްޔެ ފުރާފައެެވެ. މި މުބާރާާތުގައި ރާއްޖޭގެ އިތުރުން ސިންގަޕޯރ، ޔޫއޭއީ، އިންޑޮނޭޝިޔާ، އިންޑިޔާ އަދި މެލޭޝިޔާ ބައިވެރިވެއެވެ.

މި މުބާރާތާއި ހުޅުމާލޭ ސްޕޯޓްސް ސްކޫލާއި ބެހޭގޮތުން މައުލޫމާތު ދެއްވަމުން އެތަނުގެ ޓެކްނިކަލް ޑިރެކްޓަރ އަހުމަދު ނިމާލް ވިދާޅުވީ މިއީ އެ މުބާރާތުގައި އެ ސްކޫލުން ބައިވެރިވާ ހަތަރުވަނަ ފަހަރު ކަމަށެވެ. އެގޮތުން މިއީ ދެ އުމުރު ފުރައަކަށް ބަހާލައިގެން އޮންނަ މުބާރާތެއްކަން ނިމާލް ފާހަގަކުރެއްވިއެވެ. މި މުބާރާތުގެ ފަނަރަ އަހަރުން ދަށުގެ އުމުރު ފުރާ އޮންނާނީ މިއަހަރުގެ އޮކްޓޯބަރު މަހުގައެވެ.

އެ ސްކޫލްގެ ވާހަކަތައް ހިއްސާކުރައްވަމުން އެބޭފުޅާ ވިދާޅުވީ ހުުޅުމާލޭ ޣާޒީ ސްކޫލާއި ރެހެންދި ސްކޫލްގެ ބާސްކެޓް ޓީމްގެ ގިނަ ކުޅުންތެރިންނަކީ އެ ސްކޫލްގެ ކުދިން ކަމަށެވެ. އަދި އެ ސްކޫލުން ކުދިންނަށް ލަންކާގައި ހޯދައިދިން ތަމްރީނުގެ ފައިދާ އިންޓަރސްކޫލް މުބާރާތުގައި ލިބުނުކަމަށްވެސް ވިދާޅުވިއެވެ.

ހުޅުމާލޭ ސްޕޯޓްސް ސްކޫލް ހިންގާތާ މިހާރު ފަސް އަހަރު ވަނީ ވެފައެވެ. ހުޅުމާލޭގެ ކުދިންނަށް އަމާޒުކޮށްގެން ހިންގާ މި ސްކޫލްގެ ގިނަ ހަަރަދުތަކެއް ނިމާލްގެ އަމިއްލަ އަތުން ކުރަމުންދާއިރު، އެބޭފުޅާގެ އެންމެ ބޮޑު ޝަކުވާއަކަށް ވެފައިވަނީ ކުދިން ޕްރެކްޓިސް ކުރާާނެ ރަނގަޅު ދަނޑެއް ލިބިފައި ނެތުމެވެ.

މިވަގުތު ހުޅުމާލޭ ސްޕޯޓްސް ސްކޫލްގައި 110ވަރަކަށް ދަރިވަރުން އުޅެއެވެ.