ހުޅުމާލޭގައި މިރޭ ހަވާ އަރުވަނީ

ދިވެހީންގެ އުފެއްދުންތެރިކަމުގެ މަޢުރަޒް އާންމުންނަށް ހުޅުވާލުމަށް މިރޭ ހުޅުމާލޭގައި ހަވާއަރުވަން ނިންމައިފިއެވެ. ހަވާއެރުވުން އޮންނާނީ މިރޭ ހުޅުމާލޭ ސެންޓްރަލް ޕާކުގައެވެ.

މިރޭ 8:30ގައި މައުރަޒު ހުޅުވުން ކުރިއަށް ގެންދާއިރު، 11:00އާ ހަމައަށް މައުރަޒު ހުޅުވާލެވިފައިވާނެއެވެ.

މިމަހުގެ 31 އާ ހަމައަށް ކޮންމެ ދުވަހަކު ހަވީރު 4:00 އިން ރޭގަނޑު 11:00އަށް މި މައުރަޒް ބޭއްވުމަށް ރައީސުލްޖުމްހޫރިއްޔާ ނިންމަވާފައިވަނީ، ވަޒީރުންގެ މަޖިލީހުގެ ލަފާފުޅާއެކު 20 މޭ 2024ގައެވެ.

މިއީ ދިވެހިރާއްޖޭގެ އުފެއްދުންތެރިކަން އިތުރުކޮށް ވިޔަފާރި ފުޅާ ކުރުމުގެ މަޤްޞަދުގައި، ވިޔަފާރިއާއި އުފެއްދުންތެރިކަމަށް އަމާޒުކޮށް ބޭއްވޭ މައުރަޒެކެވެ.

މަޢުރަޒު އިންތިޒާމްކޮށް ކުރިއަށް ގެންދަނީ، މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑާއި ބިޒްނަސް ސެންޓަރ ކޯޕަރޭޝަން (ބީ.ސީ.ސީ) ގުޅިގެންނެވެ. މިއީ މިހާތަނަށް ރާއްޖޭގައި ބޭއްވޭ އުފެއްދުންތެރިކަމުގެ އެންމެ ބޮޑު މަޢުރަޒެވެ.

މި މަޢުރަޒުގައި ދިވެހިވަންތަ ޡަޤާފީ އުފެއްދުންތެރިކަމުގެ އިތުރުން ޒަމާނީ ދިވެހި އުފެއްދުންތަކާއި، ހުނަރުވެރި ދިވެހީންގެ ސުމޭކު އުފެއްދުންތަކާއި މުނިފޫހިފިލުވުމުގެ ދާއިރާގެ އުފެއްދުންތަކާއި ހުށަހެޅުންތައް ފެނިގެންދާނެއެވެ.