މިފްކޯގެ ވޭނެއްގައި ގެންދިޔަ ފައިސާތަކެއް ފޭރިގެންފި
ހެލްމެޓް އަޅައިގެން މޫނު ނިވާކޮށްގެން ތިބި ބަޔަކު މިފްކޯގެ ވޭނެއް ހުއްޓުވާ ދެ މިލިޔަނެއްހާ ރުފިޔާ ފޭރިގެންފިއެވެ.
މައުލޫމާތު ލިބިފައިވާ ގޮތުގައި މި ހާދިސާ ހިނގާފައިވަނީ ބޮޑުތަކުރުފާނު މަގު ރިންގް ރޯޑްގައި ފުލުހުންގެ ޓޯޔާޑް ހުންނަ ސަރަހައްދުންނެވެ.
މޫނު ނިވާކޮށްގެން ތިބި އެމީހުން އެފައިސާތައް ފޭރިގަތީ ކޯރާޑި ތަކަކުން ބިރުދެއްކުމަށްފަހު، އެ ވޭނުގެ ބިއްލޫރިގަނޑު ތަޅާލައިގެންކަމަށްވެއެވެ.
މި ހާދިސާގައި ވޭނުގައި އިން މިފްކޯގެ އެެއް މުވައްޒަފަކަށް ވަނީ އަނިޔާތަކެއް ލިބިފައެވެ. މިފްކޯއިން މައުލޫމާތު ދޭގޮތުގައި އެ ފަރާތްތަކުން ފޭރިގެންފައިވަނީ ފެލިވަރަށް ފޮނުވައިގެން މަސްވެރިންނަށް ދޭން އޮތް ފައިސާއެވެ.
އޭރު ވޭނުގައި ތިބީ ބިދޭސީ އަކާއި ދެ ދިވެހީން ކަމަށް މިފްކޯއިން ބުނެއެވެ. މި ހާދިސާ ހިނގި ސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
