ޔާނީމްގެ ތައީދާއެކު މަޖިލީހަށް ވާދަކުރާ ކެނޑިޑޭޓުންނަށް ތާއީދު ނުކުރާނަން- ނަހުލާ
ކުރީގެ ރައީސް ޔާމީން އަބްދުލް ގައްޔޫމުގެ ތާއީދާއެކު ރައްޔިތުންގެ މަޖިލީހުގެ އިންތިޚާބުގައި ވާދަކުރާ އެއްވެސް ކެނޑިޑޭޓަކަށް ތާއީދު ނުކުރައްވާނެ ކަމަށް ޖުމުހޫރީ ޕާޓީގެ ސްލޮޓެއްގައި ޓްރާންސްޕޯ މިނިސްޓަރު ކަން ކުރައްވާ އައިޝަތު ނަހުލާ ވިދާޅުވެއްޖެއެވެ.
ޖުމުހޫރީ ޕާޓީގެ ލީޑަރ ގާސިމްގެ އަނބިކަބަލުން އައިޝަތު ނަހުލާ އެފަދައިން ވިދާޅުވެފައި މިވަނީ އެކަމަނާގެ ފިރިކަލުން ޔާމީންގެ ބައެއް ކެނޑިޑޭޓުންނަށް ތާއީދުކުރައްވާނެ ކަމަށް އިއުލާން ކުރައްވާފައި ވަނިކޮށެވެ.
އައިޝާ ވިދާޅުވެފައިވަނީ ޔާމީންގެ ފަރާތުން ނުކުމެފައި ހުރި އެއްވެސް ކެނޑިޑޭޓަކަށް އެކަމަނާގެ ތާއީދެއް ނޯންނާނެކަމަށެވެ. އަދި އެކަމަނާ ހުންނަވާނީ ސަރުކާރާއި އެކުގައި ކަމަށާއި އަދި ކޯލިޝަންގައި ޖުމުހޫރީ ޕާޓީ ވެސް އޮންނާނީ ސަރުކާރާއި އެކުގައި ކަމަށް ގަބޫލުކުރާ ކަމަށް މިނިސްޓަރ ނަހުލާ ވަނީ ވިދާޅުވެފައެވެ.
އެކަމަނާ ވިދާޅުވީ ރިޔާސީ ކެމްޕެއިން މަސައްކަތްތަކެއް ކުރެއްވި ކަމަށާއި ކެމްޕެއިންގެ ތެރޭގައި ޔާމީނަށް އެކަމަނާ މާއާފު ނުކުރައްވާނެ ކަމަށް ވިދާޅުވެފައިވާ ކަމަށްވެސް މިނިސްޓަރ ވަނީ ވިދާޅުވެފައެވެ.
ނަހުލާ ވިދާޅުވީ ސަރުކާރު ގެނައީ އެތައް ރައްޔިތުންގެ ކިބައިން ސަލާން ޖަހައި އާދޭސްކޮށްގެން ކަމަށާއި، އަދި އެ ސަރުކާރު ގެނައީ އަމާންކަމާއި މިނިވަންކަމާއި އެކު ދިރިއުޅެވޭނެ މާހައުލެއް ހޯދައިދިނުމަށްކަމަށް ވެސް މިނިސްޓަރ ނަހުލާ ވިދާޅުވިއެވެ.
ޔާމީންގެ ކެނޑިޑޭޓުންނަށް ތާއީދު ނުކުރާނެ ކަމަށް މިނިސްޓަރ ނަހުލާ ވިދާޅުވެފައިވާއިރު، ގާސިމް އިބްރާހިމް ވަނީ ޔާމީންގެ ބައެއް ކެނޑިޑޭޓުންނަށް ތާއީދުކުރާނެ ކަމަށް ވިދާޅުވެފައެވެ. އަދި ޔާމީންގެ ފަރާތުން ވެސް ވަނީ ޖޭޕީގެ ބައެއް ކެނޑިޑޭޓުންނަށް ތާއީދުކުރާނެ ކަމަށް ވިދާޅުވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
