މި އަހަރުވެސް ޣައްޒާއާއި އެހެނިހެން ކަންކޮޅުތަކުގައި އުޅޭ މުސްލިމުންނަށް އުޟުހިޔާ ބެހުމުގެ ފުރުސަތު

މި އަހަރުވެސް ފަލަސްތީނުގެ ޣައްޒާއާއި ދުނިޔޭގެ އެހެން ބައެއް ޤައުމުތަކުގައި ދިރިއުޅޭ ނިކަމެތި މުސްލިމުންނަށް އުޟްޙިޔާ ބަހަން ބޭނުންވާ ފަރާތްތަކަށް އެ ފުރުސަތު އިންޓަނޭޝަނަލް އެއިޑް ކެމްޕެއިން (އައިއޭސީ) ހުޅުވާލައިފިއެވެ.

އައިއޭސީން ބުނީ އެހެން އަހަރުތަކެކޭ އެއްގޮތަށް މިއަހަރުވެސް އެ ޖަމިއްޔާ މެދުވެރިކޮށް އުޟްޙިޔާ ކަތިލެވޭނެ ކަމަށެވެ. މިއަހަރު އުޟްޙިޔާ ފޯރުކޮށްދެނީ ފަލަސްޠީނާއި ސޫދާނާއި ރޮހިންގްޔާގެ ރައްޔިތުންނަށް ކަމަށް އެ ޖަމިއްޔާއިން ބުންޏެވެ.

އައިއޭސީން ބުނި ގޮތުގައި ފަލަސްޠީނުގެ ޣައްޒާގައި ބަހާނީ ދަޅުގައި ބަންދުކޮށްފައިވާ އުޟްޙިޔާއެވެ. ފާއިތުވި ދެތިން އަހަރުވެސް ޣައްޒާގައި ބެހީ އެ ގޮތަށެވެ.

މީގެ އިތުރުން މިސްރުގައި ގެރި، ބަކަރި، ކަންބަޅި އަދި ޖަމަލު ކަތިލައި، ސޫދާން ރެފިއުޖީންނާއި ފަލަސްޠީން ރެފިއުޖީންނާއި މިސްރުގެ ނިކަމެތީންނަށް ބެހުމަށް ހަމަޖެހިފައިވާ ކަމަށް އައިއޭސީން ބުންޏެވެ.

ހަމައެހެންމެ ރޮހިންގޔާ ކޭމްޕްގައި ދިރިއުޅޭ ނިކަމެތީންނަށްވެސް އުޟްޙިޔާ ބެހުމުގެ ފުރުސަތު ހުޅުވާލާފައިވާ ކަމަށް އެ ޖަމިއްޔާއިން ބުންޏެވެ.

އުޟްޙިޔާ އޯޑަރުކުރެއްވުމަށް ތިރީގައިވާ ފޯމް މެދުވެރިކޮށް ހުށަހެޅުއްވޭނެއެވެ.

https://forms.gle/grt4m7ycnQbnobyP9

އިތުރު މަޢުލޫމާތު 9122121 އިން ލިބޭނެއެވެ.