މަނަވަރު ހުއްޓުވާކަށް ރާއްޖެއިން މަސައްކަތެއް ނުކުރޭ: ޕާކިސްތާން
ރާއްޖެއަށް އައުމަށް ރޭވިފައިވާ ޕާކިސްތާނުގެ ކަނޑުގެ ސިފައިންގެ މަނަވަރަކަށް ޑިޕްލޮމެޓިކް ކްލިއަރެންސް ނުދިނުމަށް ރާއްޖެއިން މަސައްކަތްކޮށްފައިނުވާކަމަށް ޕާކިސްތާނުން ބުނެފިއެވެ.
އެ ގައުމުން މިހެން ބުނެފައިވަނީ އިންޑިޔާގެ އަމުރަށް ޕާކިސްތާނުގެ މަނަވަރެއް ރާއްޖެ އައުން ހުއްޓުވުމަށް ފޮރިން މިނިސްޓްރީން މަސައްކަތްކުރިކަމަށްބުނެ ވާހަކަފަތުރަމުންދާ ދަނޑިވަޅެއްގައެވެ.
މީޑިޔާތަކަށް މައުލޫމާތުދެއްވަމުން ރާއްޖޭގައި ހުންނަ ޕާކިސްތާނުގެ އެމްބަސީގެ އިސް އޮފިޝަލަކު ވިދާޅުވީ އެ މަނަވަރަށް ދޭންޖެހޭ ޑިޕްލޮމެޓިކް ކްލިއަރެންސް ނުދޭކަމަށްބުނެ ފަތުރަނީ ދޮގުވާހަކައެއްކަމަށެވެ. އަދި އެ މަނަވަރު އަންނަ މަހުގެ ތެރޭގައި ރާއްޖެއައުމަށް ރޭވިފައިވާ ކަމަށްވެސް އޮފިޝަލް ވަނީ ފާހަގަކޮށްފައެވެ.
ފާހަގަކޮށްލެވޭ ގޮތުގައި ޖައްމޫ ކަޝްމީރުގައި އިންޑިޔާގެ ސިފައިންނަށް ދިން ބޮމުގެ ހަމަލާއާއި ގުޅިގެން އިންޑިޔާއާއި ޕާކިސްތާނުގެ މެދުގައި ވަނީ ނުތަނަވަަސްކަން އުފެދިފައެވެ.
ޕާކިސްތާނާއި އިންޑިޔާގެ މި ޒަމާންވީ ނުތަނަވަސްކަމުގައި ދިވެހި ދައުލަތުން މިހާތަަނަށް ވަކި ފަޅިއަކަށް ރަސްމީގޮތުން ތާއިދުކޮށްފައިނުވެއެވެ. ނަމަވެސް ދިވެހިރާއްޖެއިން އަބަދުވެސް ވަނީ ދެގައުމުން މަޝްވަރާގެ މޭޒަށް އައުމަށް ގޮވާލާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
