ަދަރުމަވަންތަ ހޮސްޕިޓަލްގެ ނަންބޯޑުތައް ހެދީ ކަމާއިބެހޭ ފަރާތްތަކުގެ ލަފަޔާއި އެކު: އެކެޑަމީ

މީސް މީޑިޔާގެ ވަސީލަތްތަކުގައި، ގިނަބަޔަކު ފާާޑުކިޔަމުންދާ ދަރުމަވަންތަ ހޮސްޕިޓަލްގެ ދިވެހި ނަންބޯޑުތައް ތައްޔާާރުކުރީ ކަމާއިބެހޭ ފަރާތްތަކުގެ ލަފާގެ މަތިންކަމަށް ދިވެހިބަހުގެ އެކެޑަމީން ބުނެފިއެވެ.

ބަހުގެ އެކެޑަމީގެ ރަސްމީ ވައިބަރ އޮޅީގައި ބުނެފައިވަނީ މިހާރު ދަރުމަވަންތަ ހޮސްޕިޓަލުގައި ހުރި ބައެއް ބޯޑުތަކުން އެ ފެންނަ އައު ލަފުޒުތަކަކީ އައި ޖީ އެމް އެޗްގެ އެދިވަޑައި ގަތުމަކަށް ބަސްކޮމެޓީގެ ފަންނީ ކޮމެޓީން އެ ހޮސްޕިޓަލަށް ގޮސް އެތާ ތިބެ ކޮށްދިން މަސައްކަތްތަކެއްކަމަށެވެ.

އެގޮތުން އެތަނުގައި ތިބެ އެމަސައްކަތް ކުރީ ކަމާބެހޭ ބޭފުޅުންގެ ލަފާވެސް ހޯދަމުންކަމަށް އެ ވިދާާރާއިން ވަނީ ބުނެފައެވެ.

ސްޓެރައިލް ކޮރިޑޯއަށް ދިވެހި ލަފުޒެއް ހަދަން ބެލި އިރު އެ ލަފުޒަކީ އިނގިރޭސި ބަހުގެ ވެސް މުރައްކަބު ނަމެއްކަމަށާއި ސްޓެރައިލްއާއި ކޮރިޑޯއާ އެކުވެގެން ހެދިފައި އޮތް ލަފުޒެއްކަމަށް އެކެޑަމީން ވަނީ ފާާހަގަކޮށްފައެވެ.

ނަމަވެސް ކޮރިޑޯގެ މަފުހޫމު އަދާކުރާ ލަފުޒެއް މުނިކާފައި ޒަމާނުއްސުރެ ދިވެހި ބަހުގައި އޮންނަކަމަށް އެކެޑަމީން ވަނީ ބުނެފައެވެ. އެއީ ސަރައްކާލިއެވެ.

"ސްޓެރައިލްގެ މަފުހޫމު އަދާކުރާ ލަފުޒެއް ދިވެހި ބަސްކޮށާރަކު ނެތެވެ . އެހެންކަމުން ޖެހުނީ ދުނިޔޭގެ ބަސްބަހުގެ ބަސްވާރުން ވެސް ކަންކުރާ ހަމައިން ބޮރޯވިންގެ އުސޫލުން ލޯނުބަހެއް ގެންނާށެވެ"، އެކެޑަމީން ބުނެފައިވެއެވެ.

އެހެންކަމުން ސަންސުކްރިތު ޕާލީ ސިންގަޅަ ތަމަޅަ ބަސް ބެލުމަށް ފަހު އަރަބި ބަސް ބެލުމުން ސްޓެރައިލްގެ ބަދަދަލުގައި ޢަޤީމު ބޭނުން ކޮށްފައި ވާތީ ފެނުމުން އެ ލަފުޒު ދިވެހި އަޑުތަކަށާއި ފޮރޮޅުންތަކަށް ފައްތައިގެން އަގީމު ސަރައްކާލި ހެދީކަމަށް ވަނީ ބުނެފައެވެ.

މި ލަފުޒު ހެދީ ދުނިޔޭގެ ކުރި އަރައިފައިވާ ބަސްބަހުގެ ބަސްވާރުން ވެސް ކަންކުރާހަމައިންކަމަށް އެފަރާތުން ބުނެއެވެ.