2019ގެ ފުރަތަމަ ފަތުރުވެރިއަކަށް ސައުދީގެ ރައްޔިތެއް!
2019 ވަނަ އަހަރު ދިވެހިރާއްޖެއަށް ޒިޔާރަތްކުރި ފުރަތަމަ ފަތުރުވެރިޔާއަށް ވުމުގެ ޝަރަފު ސައުދީ އަރަބިއްޔާގެ މީހަކު ހޯދައިފިއެވެ.
މި ޝަރަފު ހޯދާފައިވަނީ އޮމާންއެއާވޭސް އިން އައި ސައުދީ އަރަބިއްޔާގެ ރައްޔިތެއް ކަމަށްވާ ހާލިދު ކަރީމް އެވެ. ޚާލިދާއި އެކު މި ދަތުރުގައި އޭނާގެ އަންހެނުންނާއި ދަރިފުޅު ބައިވެރިވިއެވެ.
ޚާލިދު ރާއްޖެއަަށް އައުމުން އޭނާއަށް އެއަރޕޯޓުން މަރުހަބާ ކިޔާފައިވަނީ ޓޫރިޒަމް މިނިސްޓަރު އަލީ ވަހީދާއި އެމްއެމްޕީއާރުސީގެ އިސްވެރިންނެވެ. ޚާލިދަަކީ މި އަހަރު ރާއްޖެއަށް އައި ފުރަތަމަ ފަތުރުވެރިޔާ ކަމުގައިވުމުން އޭނާއަށްވަނީ އޮމާން އެއާވޭސްގެ ފަރާތުން ރާއްޖެއަށް އަލަށް އައުމުގެ ޓިކެޓަކާއި، އާވީ ރިސޯޓުން ހަތްދުވަހުގެ ހިލޭ ހުރުމެއް ދީފައެވެ. މި ދަތުރުގައި ޚާލިދު ހުރުމަށް ހަމަޖެހިފައިވަނީ ބަނޑޮސް އައިލެންޑް ރިސޯޓުގައެވެ.
މި ޝަރަފު ލިބުމާއި ގުޅިގެން ވާހަކަ ދައްކަމުން ޚާލިދުބުނީ މި ޚާއްސަ އުފާލިބުމުން ބުނާނެ އެއްޗެއްވެސް ނޭނގޭކަމަށެވެ. އަދި މިއީ ރާއްޖެއަށް އައި ދެވަނަ ފަހަރުކަމަށާއި އަދި ރާއްޖެހާ ރީތި ތަނަކަށް ނުދެވޭކަމަށެވެ.
މިއީ ޚާލިދުއާއި އޭނާގެ އަންހެނުންގެ ކައިވެންޏަށް ދިހަ އަހަރު ފުރުނު ދުވަސްވެސް މެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
