ބޭނުންނުކޮށް ބާވެފައިހުރި 29 އުޅަނދެއް ފުލުހުން ޓޯކޮށްފި
މާލޭގެ އެކި ސަރަހައްދުތަކުގައި ގަވާއިދާ ޚިލާފަށް ބަހައްޓާފައި ހުންނަ އުޅަނދުތައް ނެގުމުގެ މަސައްކަތުގެ ތެރެއިން ރޭ އެކަނިވެސް 29 އުޅަނދެއް ފުލުހުންގެ އިދާރާއިން ނަގައިފިއެވެ.
ފުލުހުންގެ އިދާރާއިންް ރޭ އެކްސްގައި ކުރި ޕޯސްޓެއްގައި ބުނެފައިވަނީ މާލޭސިޓީގެ ސިނާއީ ސަރަހައްދާއި މާފަންނު އަވަށުގެ މަގުތަކުގައި ހުރި 29 އުޅަނދެއް ޓޯކޮށްފައިވާ ކަމަށެވެ. އަދި އެ އުޅަނދުތަކަކީ އެތައްދުވަހެއް ވަންދެން ބޭނުންނުކޮށް ބާވެފައިހުރި އުޅަނދުތަކެއް ކަމަށްވެސް ފުލުހުން ވަނީ ބުނެފައެވެ.
ފުލުހުން ނަގަމުންދާ އުޅަނދުތަކުގެ އަދަދުތައް ސޯޝަލް މީޑިއާތަކުގައި ހާމަކުރަމުންދާއިރު، މިދިޔަ ބުދަ ދުވަހުވެސް 60 އުޅަނދު، އަދި ބުރާސްފަތި ދުވަހު 31 އުޅަނދެއް ވެސް ވަނީ ޓޯކޮށްފަ އެވެ.
ދުވާލެއްގެ މައްޗަށް 20 އަށްވުރެން ގިނަ އުޅަނދުތައް ފުލުހުން ޓޯ ކުރަމުން އަންނައިރު، މާލޭގެ މަގުތަކުގައި މިފަދަ އުޅަނދުތައް ގަވާއިދާ ޚިލާފަށް ޕާކުކޮށްފައި ހުރުމުގެ ސަބަބުން އާންމުންގެ ފަރާތުން ޝަކުވާތައް ދަނީ އިތުރުވަމުންނެވެ. އޭގެ ސަބަބުން ދުއްވާ އެހެން އުޅަނދުފަހަރުތަކަށް ވަރަށް ބޮޑެތި ދަތިތަކާއި ކުރިމަތިލާން ޖެހެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
