ފާއިތުވެދިޔަ އަހަރަކީ ދިވެހި ތާރީހުގައިވެސް އެންމެ ގިނައިން މުދަލު ޒަކާތް ލިބުނު އަހަރު: ޑރ. ޝަހީމް
ފާއިތުވެދިޔަ އަހަރަކީ ދިވެހި ތާރީހުގައިވެސް އެންމެ ގިނައިން މުދަލު ޒަކާތް ލިބުނު އަހަރު ކަމުގައި އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ރޭ ވަޒީރު މިގޮތަށް ވިދާޅުވީ ވަޒީރުންނާއި ސުވާލުކުރެެއްވުމުގެ ފުރުސަތު އާއްމުންނަށް ފަހިކޮށްދިނުމަށް ކުރިއަށް ގެންދާ "އަހާ ފޯރަމް"ގައި ވާހަކަދައްކަވަމުންނެވެ.
މި ފޯރަމްގައި ވާހަކަދައްކަަވަމުން ވަޒީރު ވިދާޅުވީ، ޒަކާތު ހައުސްއަކީ އަކީ އެންމެ އަމާނަތްތެރިކަމާއެކު ހިނގާ މުއައްސަސާކަމަށާއި އެތަނުގެ އަގު ވައްޓާލުމަށް އެކި ވާހަކަތައް ދެއްކި ނަމަވެސް، އެތަނުގެ އަމާނަތްތެރިކަމާއިމެދު އެއްވެސް ޝައްކެތް ނެތްކަމަށެވެ.
ދިވެހިރާއްޖޭގައި އެންމެ އަމާނާތްތެރިކަމާއެކު ހިނގާ އެއް މުއައްސަސާއަކީ ޒަކާތާބެހޭ އިދާރާކަމާމެދު އަޅުގަނޑު ޝައްކުނުކުރަން
އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު
މި މޭރުމުން ވާހަކަދައްކަވަމުން ވަޒީރު ވަނީ ޒަކާތަށް ހޭލުންތެރިކުުރުމަށް ޒަކާތު ހައުސްއިން ކުރިއަށް ގެންދާ މަސައްކަތްތަކާއެކު ފާއިތުވެދިޔަ އަހަރަކީ ދިވެހިރާއްޖޭގެ ތާރިހުގައިވެސް ޒަކާތުގެ ގޮތުގައި އެންމެ ގިނަ އަދަދަކަށް ފައިސާ ލިބުނު އަހަރުކަން ފާހަގަކުރައްވާފައެވެ.
ފާއިތުވެދިޔަ އަހަރު މުދަލު ޒަކާތުގެ ގޮތުގައި 100 މިލިއަނަށްވުރެ ގިނަ ރުފިޔާ ލިބިފައިވާކަމަށް އިސްލާމިކް މިނިސްޓްރީއިން ބުނެފައި ވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
