ލައިފްޓައިމް އެޗީވްމަންޓް އެވޯޑް، ކުޑަމޫސަ އަދި ނަދީމަށް

މޯލްޑިވްސް ސްޕޯޓްސް އެވޯޑްސް 2025 ގެ ލައިފްޓައިމް އެޗީވްމަންޓްގެ އެވޯޑް ކުރީގެ މަޝްހޫރު ފުޓްބޯޅަ ކުޅުންތެރިޔާ މޫސާ މަނިކް (ކުޑަމޫސަ) އަދި އޭނާގެ ކޮއްކޮ މުހައްމަދު ނަދީމަށް ދީފިއެވެ.

ޒުވާނުންގެ މަރުކަޒުގައި ބޭއްވި އެވޯޑް ހަފްލާގައި ލައިފްޓައިމް އެޗީވްމަންޓް އެވޯޑް ހަވާލުކޮށްދެއްވީ، ރައީސުލްޖުމްހޫރިއްޔާ ޑރ.މުހައްމަދު މުއިއްޒެވެ.

ލައިފްޓައިމް އެޗީވްމަންޓް އެވޯޑް ލިބުނު ކުޑަމޫސައަކީ ރާއްޖެ ދުށް އެންމެ ހުނަރުވެރި ފުޓްބޯޅަ ކުޅުންތެރިޔާއެވެ. އަދި އޭނާއަކީ ދިވެހި ކުޅިވަރު ތާރީހުދުއް އެންމެ ވަރުގަދަ އެއް ޝަހުސިއްޔަތެވެ. ކުޑަމޫސައަށް ވަނީ ދުވެހުނޫސް ހަވީރުން ހޮވި ގަރުނުގެ ފުޓްބޯޅަ ކުޅުންތެރިޔާގެ މަޤާމުވެސް ހޯދާފައެވެ.

ވޮލީބޯޅައިގެ އިތުރުން ހޮކީއާއި މަންޑިއަދި ބާސްކެޓް ބޯޅައިގައިވެސް އެއްދުވަސްވަރެއްގައި ވާދަކުރި މޫސާ މަނިކުގެ ހުނަރުވެރިކަން އެންމެ ބޮޑަށް ފާހަގަކުރެވުނީ، އަދި އެންމެ ބޮޑަށް ވިދާލީވެސް ފުޓްބޯޅައިގައެވެ. ގައުމީ ފެންވަރުގައި އެކުޅިވަރުގައި މޫސަ ބައިވެރިވާންފެށީ 1972 ވަނަ އަހަރު ނިއު ރޭޑިއަންޓް އާއި ގުޅިގެންނެވެ.

ކުޑަމޫސަ ވަނީ ނިއުރޭޑިއަންޓްގެ އިތުރުން ވެލެންސިއާއަށްވެސް ކުޅެފައެވެ. ކުޅިވަރަށް މޫސަ ކުރި ހިދުމަތުގެ އަގުވަޒަންކުރުމުގެ ގޮތުން ސަރުކާރުން ވަނީ އާންމު ހިދުމަތުގެ ހިތްވަރު ދިނުމުގެ އިނާމު އޭނާށް ދެއްވާފައެވެ.

ލައިފްޓައިމް އެޗީވްމަންޓް ހޯދި ނަދީމަކީ ފުޓްބޯޅައިގެ އިތުރުން ވޮލީއާ އެނިހެން ކުޅިވަރުތަކުގައިވެސް ވަރަށް މަޝްހޫރު ފަރާތެކެވެ.

1994 ވަނަ އަހަރު ޖަޕާންގެ ހިރޮޝިމާގައި އޮތް އޭޝިއަން ގޭމްސްގައި ފުރަތަމަ ފަހަރަށް ރާއްޖޭގެ ބީޗް ވޮލީބޯޅަ ޓީމު ވާދަކުރިއިރު އެޓީމުގައި ނަދީމު ވަނީ ހިމެނިފައެވެ. ރާއްޖޭގެ އަންހެން އަދި ފިރިހެން ގައުމީ ވޮލީބޯޅަ ޓީމަށްވެސް ނަދީމް ވަނީ އެކި ފަހަރުމަތިން ކޯޗުކަން ކޮށްދީފައެވެ. އޭނާގެ އިރުޝާދުގެ ދަށުން ކުޅުނު ގިނަ ކުޅުންތެރިންތަކެއް މިހާރު ވޮލީބޯޅައިގައި ރާއްޖޭގެ އެންމެ މަތީ ފަންތީގައި ކޯޗުންގެ ގޮތުގައި ތިބިކަން ފާހަގަކޮށްލަންޖެ