ކޮންގްރެސްގެ މަތީ މަޖިލީސް ހުޅުވުމުގެ ޖަލްސާގައި ރައީސް ނަޝީދު

ކޮންގްރެސްގެ މަތީ މަޖިލީސް ހުޅުވުމުގެ ޖަލްސާގައި ބައިވެރިވެވަޑައިގަތުމަށް ދެއްވި ދައުވަތު ގަބޫލުކުރައްވާ ކުރީގެ ރައީސް މުހައްމަދު ނަޝީދު އެ ޖަލްސާއަށް ވަޑައިގެންފި އެވެ.

އެންމެ ގިނަ މަންދޫބުންނާއެކު ބާއްވާ ޕީއެންސީގެ ތާރީހީ ކޮންގްރެސް މިއަދު ވަނީ ފަށާފަ އެވެ. މަތީ މަޖިލީސް ހުޅުވުމުގެ ޖަލްސާ މިރޭ ކުރިއަށް ދަނީ ސޯޝަލް ސެންޓަރުގަ އެވެ.

އާންމުކޮށް ޕާޓީތަކުގެ ކޮންގްރެސްގެ ފެށުމުގެ ޖަލްސާއަށް ޕާޓީތަކުގެ ލީޑަރުންނަށް ދައުވަތު ދެ އެވެ. މިރޭގެ ޖަލްސާއަށް ވެސް ދައުވަތު ދޭނެ ކަމަށް ބެލެވެ އެވެ.

މިރޭގެ ޖަލްސާއަށް ވަޑައިގެންނެވީ އެހެން ޕާޓީތަކުގެ ސިޔާސީ ލީޑަރުންގެ ތެރެއިން ޖަލްސާއަށް ވަޑައިގެންނެވީ ރައީސް ނަޝީދާއި އެމްްއެންޕީގެ ލީޑަރު މުހައްމަދު ނާޒިމްއާ އަދާލަތުގެ ރައީސެވެ.

މިރޭގެ ޖަލްސާއަށް ނަޝީދު ވަޑައިގެންނެވުމުން ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ އެމަނިކުފާނަށް މަރުހަބާ ވިދާޅުވެ ސަލާމް ކުރައްވާފަ އެވެ.